Қазақстанда тұмау өршіп тұр. Елімізде 1 қазаннан бері жіті респираторлық вирустық инфекциялар мен тұмауды 2 миллионнан астам жұқтырған.
Елімізде 1 қазаннан бері жіті респираторлық вирустық инфекциялар мен тұмауды 2 миллионнан астам жұқтырған. Денсаулық сақтау министрлігі биыл сырқаттанушылық деңгейі өткен жылдармен салыстырғанда әлдеқайда жоғары екендігін айтады.
Денсаулық сақтау министрлігі Қазақстандағы тұмау эпидемиясы туралы хабарлайды. Аурудың алдын алу мақсатында Қазақстанға тұмауға қарсы вакциналардың 2 млн 280 мыңнан астам дозасы әкелінді. Қазір 2,5 млн адам яғни халықтың 12% егілді.
Ал бас санитар дәрігер Айжан Есмағамбетова ҚР Парламенті Сенатының депутаттарына сайлау алдындағы үгіт-насихат жұмыстарын жүргізу кезінде жіті респираторлық вирустық инфекциялар мен коронавирустық инфекцияның таралуы бойынша эпидемиологиялық жағдайдың тұрақты екендігін хабарлаған болатын. Барлық өңір "жасыл" аймақта тұр. Бұл ретте 12 өңірде, оның ішінде Шығыс Қазақстан облысында да репродуктивтілік көрсеткішінің өскендігін байқауға болады. Бұл дегеніміз инфекцияның таралуы артып келеді деген сөз. Сондықтан бұқаралық іс-шаралар өтетін орындарда медициналық бетперде кию қажет.
Денсаулық сақтау министрлігі өткен жылдың сәйкес кезеңімен салыстырғанда сырқаттанушылық деңгейі 20% - ға өскенін атап өтті.
Осылайша облыстың бас пульмонологы Зағрипа Әбдиева тұмаудан сақтану үшін қарапайым ережелерге баса назар аударуға шақырады. Вакцинацияны уақтылы жасап, бөлмені үнемі желдетіп отыру қажет. Дұрыс тамақтануға көңіл бөліп, таза ауада жиі серуенге шығуға кеңес береді. Ал аурудың алғашқы белгілері байқалған жағдайда дереу медициналық мекемеге хабарласуы керек.

свернуть