يبكي الغيم و تفيض القلوب و ينبت البوح ،
و يتمادى القمر في لمعته و لا بريقه
اجتمعت بـ هوى قلبي و انا ضايق و مجروح ،
اتجه لـ الرحيل و صرت اوصف له طريقه
هب يا كلمة(ن) لا جات تطلع تطلع الروح ،
ألتفت لي و قلت : ( احبك ) بـ اخر دقيقه
( المكابر ) .. على شان المكانه عذر ملّوح ،
وش يضر الكيان انك تعلّم بـ الحقيقه
راحت مْع العمر و الذكريات تمر و تروح ،
و الرجل ما يحس اقرب بني عمه بـ ضيقه
ليه ؟ الد النظر في اللي مضا و اكثّر النوح ،
ما يمس الزمان الرجل و محمد رفيقه
يا محمد تقدم و العذر ما هو بـ مسموح ،
ارهج الارض و انفضها و ولعها حريقه
اقبلو و العز ممد /
احتموا يام العريقه
والله ان يفرح محمد /
احتموا يام العريقه
انت طحطوح و معرب نسب و ابيك طحطوح ،
خل خصمك يضيّع غايته و يجف ريقه
كل منّا على لطم العدا و الطيّب مشفوح ،
لا تردد يا ابن رزحان و افعالك طليقه
الحصان الكديش يموت ماهو مبعد الشوح ،
لو يحطون له كل البوادر فـ العليقه
يوم الاثنين يوم العز و الميدااااان مفتوح ،
طوحوا بـ الغتر يا لابتي يام العريقه
اقبلو و العز ممد /
احتموا يام العريقه
والله ان يفرح محمد /
احتموا يام العريقه
تنشد ؟ شلون مجد عْجيم له قوه و له ضوح ،
اقرب شوي و اعلمك و شلون الطريقه
كان جينا الحرايب ما نجيها لعب و مزوح ،
والله ان قد تطيق الارض شي(ن) ما تطيقه
و ان ضحكنا طرب لاحى القمر حمامة الدوح ،
تتسع الارض و تحسّب مسافتها الخليقه
ارتفعنا لو صدور الخصوم تكن و تفوح ،
صارت ارواحنا مع الشهاب اخ و شقيقه
تجتمع بـ السحاب و تعتلي و تجوب و تلوح ،
كل من يقرب مْن المجد ترجمّه و تعيقه
قالوا الناس : ما باقي من الاعمار مصلوح ،
ما بقى شي نظفر فيه يا يام العريقه
اقبلو و العز ممد /
احتموا يام العريقه
والله ان يفرح محمد /
احتموا يام العريقه
#مبارك_الرزحان
