Қазір бүкіл ел референдумның тарихи маңызы, конституцияға енгізілетін өзгерістер мен толықтырулар туралы толық хабардар десек қателеспейміз. Әрине әрбір қазақстандық өзі үшін өзекті өзгертулерге қатысты көзқарасын білдіруге, еркін таңдау жасауға құқылы. Әріптесім, Айдана Мейрамбайқызы негізгі бағыттарды түсінідіріп береді.
27 жыл ішінде алғаш рет өткізіліп отырған референдумға шығарылған өзгерістер пакеті бес бағытта. Онда мемлекеттік құрылымды, билік тармақтарындағы балансты өзгерту ұсынылған. Әрине, әр қазақстандық не "иә", не "жоқ" деп жауап беріп, өз көзқарасын білдіруге құқылы. Айталық, ұсынылған өзгертулердің ауқымды блогының бірі - супер-президенттіктен президенттік басқару жүйесіне көшуге байланысты. Бұл Парламенттің күшейтіліп, президент өкілетінің қысқартылуын көздейді. Әрі референдумға қойылған түзетулер ішінде заңдарды Мәжіліс деңгейінде қабылдау туралы ұсыныс та бар. Яғни, заң Мәжілісте қабылданады, ал Сенатта не мақұлдануы не мақұлданбауы мүмкін.
Көбінесе қай өзгерістер қоғамда жақсы талқыланды?
Түзетулер Негізгі заңның үштен бір бөлігін яғни, 33 бапты қамтып отыр. Соның көбі қызу талқыға түсті. Әсіресе сайлау жүйесінің мәнін өзгерту туралы бағыты көпшіліктің қызығушылығын тудырғанын көреміз. Біреулер жақтады, біреулер қарсы болды. Өйткені түзетулер аясында Мәжіліс депутаттары аралас сайлау жүйесі бойынша сайланады. Бұл дегеніңіз өзгертулерде депутаттардың тікелей сайлауын енгізу көзделген деген сөз. Өзгертулердің тағы бірі адам құқықтары жөніндегі уәкілдердің мәртебесін айқындауды көздейді. Ал егер оларға Конституциялық Сотқа жүгіну құқығын беру жайына келсек, бұл алдыңғы тұжырымнан қисынды түрде туындап отырғаны анық. Қалай болғанда да, ұсынылған өзгерістерді мақұлдау немесе оған қарсы болуды - референдумда дауыс берген халық шешеді.



Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31

#ЖаңаҚазақстан #Референдум

свернуть