Lajme Arkiva - TV Klan 2000
Intervistë me Drejtorin e Përgjithshëm të TV Klan, zotin Aleksandër Frangaj për marrjen e licencës kombëtare nga TV Klan.
Aleksandër Frangaj:- “Lajmi për marrjen e licencës kombëtare të TV Klan, sigurisht është një lajm i mirë që na gëzon të gjithëve, si staf drejtues dhe realizues, i këtij televizioni. Marrja e licencës nuk ka qenë një domosdoshmëri e jona, ose nuk ka qenë një shqetësim, pasi realisht në këtë licencë e kemi marrë prej kohësh. Të gjithë shqiptarët, të gjithë ata që ne na kanë ndjekur, janë dëshmitarë, që TV Klan ka qenë prej kohësh televizioni numër 1. TV Klan ka qenë televizioni me prodhimtarinë më të madhe të programeve të krijuara vetë. Gjithashtu ka qenë shtrirja, mbulimi me sinjal i rreth 70% të territorit të Shqipërisë. Sikurse ka qenë i vetmi televizion shqiptar, që kemi mundur të transmetojmë në Kosovë. Ne kemi qenë të parët edhe në blerjen e të drejtave televizive. Marrja e kësaj licence, na jep dorë të vazhdojmë këto investime, na jep mundësinë të zgjerojmë qoftë programet, qoftë blerjet dhe të konkretizojmë marrëveshjen më të fundit, që është marrëveshja për të transmetuar në satelit. Pra që programet e televizionit tonë, të mos kenë mundësinë vetëm teleshikuesit e territorit të Shqipërisë, por të kenë mundësi të na ndjekin në transmetim 24 orë në të gjithë Europën dhe Amerikën”.
Ndërsa për televizionin tjetër të licencuar sot, Tele Arbërin, zoti Frangaj vëren:
Aleksandër Frangaj:- “Vlerësimi që i ka bërë Këshilli Kombëtar i Radio Televizionit, jo vetëm TV Klan, por edhe gjithë licencave të tjera, që ka dhënë ka qenë mjaft objektiv. Licenca e dytë kombëtare që iu dha TV Arbërisë është mjaft e saktë. Ai është televizioni që ne e kemi ndjerë si konkurrent. Në listën e televizioneve që konkurronin, nuk kishte një më të mirë sesa TV Arbëria. Pra edhe ajo e ka marrë licencën me meritë, sikurse dhe radio e vetme kombëtare, Top Albania Radio. Them që jo vetëm opinioni im, por i gjithë teleshikuesve apo radio dëgjuesve në Shqipëri është që TV Klan, TVA dhe Top Albania Rdio, janë tre më të mirët”./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
