ՔՈ ՁԱՅՆԸ [ Ссылка ]
Երեւանում մեկնարկել է «Պատմամշակութային ժառանգության հիմնախնդիրները» թեմայով միջազգային գիտաժողով, որը նվիրված է արգելոց-թանգարանների եւ պատմական միջավայրի պահպանության ծառայության հիմնադրման 25-ամյակին: Արցախ, Ռուսաստան, Ուկրաինա, Լեհաստան, Բելառուս, Թուրքիա, Վրաստան. թվարկված երկրներից, ինչպես նաեւ Հայաստանի մարզերից ժամանած գիտնականները եռօրյա գիտաժողովի ընթացքում կներկայացնեն Հայաստանի պատմամշակութային ժառանգության պահպանման հիմնախնդիրները, կանդրադառնան դրանց վիճակին: Հայաստանի պատմական հարստությունն ամբողջովին ուսումնասիրված ու անձնագրավորված չէ, կան խնդիրներ, որոնք մնում են չլուծված: Եթե Հայաստանի տարածքում պատմական ժառանգությունը գոնե մասամբ պահպանված է, ապա Լեռնային Ղարաբաղը ավերված հուշարձաններ է ժառանգություն ստացել: Պատմական միջավայրի պահպանության ծառայությունը նաեւ Արեւմտյան Հայաստանի տարածքում գտնվող հուշարձանների պահպանության հարց է դրել իր առջեւ:
