Lajme arkiva 2009
Eliminimi i gurëve në veshka pa kirurgji tradicionale me prerje, por me metodën laparoskopike është tashmë një nga risitë që sjell Spitali Amerikan në Tiranë, në fushën e urologjisë dhe nefrologjisë. Kjo metode pa prerje, por nëpërmjet një sonde të shoqëruar me kamera, përdoret kryesisht në kirurgjinë e veshkës dhe prostatës, duke zënë vendin e kirurgjisë tradicionale. Sipas mjekëve të këtij spitali kjo metodë e re që praktikohet vetëm në spitalin amerikan, ul rrezikshmërinë që sjell ndërhyrja kirurgjikale, numrin e ditëve të qëndrimit në spital si dhe ndihmon pacientin t’i rikthehet sa më shpejt jetës normale.
Arjan Hodo: “Realizimi i thyerjes së gurit, realizohet me të gjitha llojet e gurëve. E rëndësishme është pozicioni i gurit, indikacionet që është për t’u thyer apo nuk është për t’u thyer. Gurët që nuk janë, psh që janë gurët e mëdhenj, gurët sipas pozicionit veshkat mund të jenë në polin e poshtëm dhe me madhësi mbi 2 cm që nuk janë të përshtatshëm për thyerjen e gurit, një këtu arrijmë t’i bëjmë me kirurgji perkutane, kirurgjia perkutane është kirurgji minimale evasive, pacienti nuk hapet në gjithë zonën suprostale, bëhet vetëm një vrimë nga e cila aty futesh me kamerë e tharmon gurin dhe e nxjerr pjesë, pjesë”.
Oztug Adsan: “Tek meshkujt në moshën mbi 50-vjeç prostati është sëmundja me rrisk më të lartë dhe është e rëndësishme që pacientët e kësaj grup moshe ti nënshtrohen herë pas here ekzaminimit të antigenit specifik që tregon çrregullime të gjëndrës së prostatës. Kur kemi të bëjmë me një prostatë të zmadhuar ndërhyrja endoskopike pa kirurgji nëpërmjet rrugëve urinare është metoda që përdoret gjerësisht në botë dhe ne e aplikojmë këtu. Përsa i përket kancerit të prostatës me metodat e reja të kirurgjisë radikale nëpërmjet laparoskopisë ose kirurgjisë së përgjithshme, pacientit i ulet rrezikshmëria e humbjes së jetës."
Të gjitha këto ndërhyrje, realizohen nga ekipi i suksesshme i transpalnteve që përbëhet nga mjek turq dhe shqiptarë. Ndërkaq muaji mars cilësohet nga Spitali Amerikan si muaji i urologjisë dhe nefrologjisë./tvklan.al
Gazetare: Brunilda Cami
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
