SUBSCRIBE to "RTV KLAN" on YouTube for more videos!
Tashmë është zyrtare. Kandidatët e partive politike në garën e 25 prillit nuk do të kenë emër dhe mbiemër në fletën e votimit, por do të identifikohen me numra, të renditur horizontalisht. Të vetmit që do të identifikohen me emra do të jenë subjekti zgjedhor/koalicioni dhe kryetarët e partive.
Deri ne 25 prill komisioni qendror i Zgjedhjeve do të nisë një fushatë për të njohur zgjedhësit me fletën e votimit. Por cilat janë rastet kur kjo fletë votimi e ndryshme nga ajo e vitit 2017, do të quhet e pavlefshme?
Në rast se votuesi zgjedh Partinë Demokratike për ta votuar si subjekt politik, por voton gjithashtu dhe kandidatin e Partisë Socialiste ose anasjelltas, vota do të quhet e pavlefshme, pra zgjidhet kandidati dhe partia.
Vota do të quhet e pavlefshme edhe kur votohen dy parti, ose dy kandidatë.
Votuesit mund të votojnë edhe vetëm një parti pa zgjedhur kandidatin e asaj partie, po ashtu vetëm kandidatin, pa zgjedhur partinë ku bën pjesë, por duhet të kenë parasysh se nëse votojnë vetëm kandidatin, vota do të numërohet për kandidatin dhe partinë ose koalicionin ku bën pjesë.
Për t’u ardhur në ndihmë qytetarëve, në çdo qendër votimi do të afishohen postera në të cilët do të tregohet se çfarë numri ka çdo kandidat, parti apo koalicion. Ndersa do të vendosen edhe fletëpalosje në dhomën e fshehtë për ata që mund të kenë paqartesi të momentit të fundit.
Klan News
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
