Kecha, 26-may kuni Rossiya prezidenti Vladimir Putin ikki kunlik davlat tashrifi bilan Toshkentga keldi. Aeroportda mehmonni O‘zbekiston prezidenti Shavkat Mirziyoyev kutib oldi. Bu – Putinning beshinchi muddatga saylanganidan keyingi uchinchi xorijiy safari bo‘lmoqda.
Tashrifning asosiy tadbirlari bugun, 27-may kuni bo‘lib o‘tadi.
Prezident matbuot xizmati xabariga ko‘ra, oliy darajadagi muzokaralar davomida rahbarlar O‘zbekiston bilan Rossiya o‘rtasidagi keng qamrovli strategik sheriklik va ittifoqchilik munosabatlarini yanada rivojlantirish va chuqurlashtirish masalalarini ko‘rib chiqadi.
Putin tashrifini faol yoritib borayotgan rus nashrlari esa urashuvlar davomida:
▪️ Iqtisodiyot, savdo;
▪️ Migratsiya;
▪️ Afg‘oniston;
▪️ Umumiy tartibsizlik kuchayib borayotgan dunyoda hamkorlik;
▪️ Islom olami kabi mavzular o‘zaro muhokama qilinadi.
Sammit yakunlari bo‘yicha ikki tomonlama hujjatlar to‘plami qabul qilinishi rejalashtirilgan. Prezidentlar, shuningdek, O‘zbekiston va Rossiya hududlari kengashining birinchi yig‘ilishida ham ishtirok etadi.
Ma'lumot uchun, Vladimir Putin 7-may kungi inauguratsiya marosimidan boshlab beshinchi muddatga Rossiya prezidenti lavozimiga kirishdi.
RF rahbari yangi muddatga saylanganidan keyin 16-17-may kuni Xitoyda davlat tashrifi bilan, 23-24-may kunlari Belarusda ishchi tashrif bilan bo‘lgan edi.
Telegram 👉 [ Ссылка ] (@migrantuz)
TikTok 👉 [ Ссылка ]
Instagram 👉 [ Ссылка ] (@migrantuzb)
YouTube 👉 [ Ссылка ]
Facebook 👉 [ Ссылка ]
Одноклассники 👉 [ Ссылка ]
ВКонтакте 👉 [ Ссылка ]
Rasmiy veb-sayt: [ Ссылка ]
MIGRANT каналининг мобил мухбирларидан маълумот йиғувчи бот [ Ссылка ]
#патент #регистрация #migrant
