Shefi i ri i Shtabit të Përgjithshëm të Forcave të Armatosura gjeneralmajor prof. asoc. Bajram Begaj mori detyrën me një ceremoni ushtarake, ku flamurin kombëtar ia dorëzoi ministrja e Mbrojtjes Olta Xhaçka.
Më herët gjeneralmajor Begaj u betua para presidentit të Republikës Ilir Meta dhe me dorën mbi Kushtetutë.
Ministrja e Mbrojtjes Olta Xhaçka falënderoi shefin në largim të Shtabit të Përgjithshëm të FA gjeneral brigade Bardhyl Kollçaku, për të cilin tha se do të vijojë të jetë pjesë e FA dhe për të dhënë kontributin e tij.
Ministrja Xhaçka e cilësoi gjeneralmajor Bajram Begajn si një nga ushtarakët më të kualifikuar, mëse i përshtatshëm për sfidat që po kalojnë jo vetëm Forcat e Armatosura, por edhe shoqëria në tërësi.
"Gjeneralmajor Bajram Begaj është padyshim një nga ushtarakët më të përgatitur e më me vlerë që kanë sot FA. Unë pres, të gjithë ne presim, që drejtuesi i ri i Shtabit të çojë përpara procesin e modernizimit e profesionalizimit që tashmë ka fituar një momentum vërtet pozitiv. FA është sot një forcë që kontribuon me kontingjentet e saj krah për krah aleatëve në misione të vështira e të rrezikshme, ku efektivët tanë kanë marrë vlerësimet më të larta. FA është sot një forcë që po përthith me ritme mbresëlënëse jo vetëm pajisje e sisteme armatimi shumë herë më të avancuara sesa ato që kemi pasur në dispozicion deri pak vite më parë, por që po investon si kurrë më parë tek burimet e saj njerëzore. Gjeneralmajor Begaj zotëron kualifikime krejt të posaçme që e bëjnë atë një kandidat të shkëlqyer për kohën që kalojmë. Ai është jo vetëm një ushtarak karriere, me një karrierë jashtëzakonisht të pasur ku ka spikatur me përgatitjen, talentin dhe idetë e tij. Por ai është dhe një mjek, një nga mjekët më të njohur në fakt në Shqipëri. Pra, ai është një ushtarak i trajnuar e kualifikuar për të kuptuar jo vetëm sfidat tradicionale të sigurisë, por edhe sfidat e jashtëzakonshme që na vijnë nga armiq të padukshëm por ndoshta akoma më të rrezikshëm."- u shpreh zonja ministre.
Shefi i ri i Shtabit të Përgjithshëm Bajram Begaj falënderoi autoritetet më të larta shtetërore për besimin dhe shprehu gatishmërinë dhe synimin e tij për të modernizuar më tej Forcat e Armatosura dhe motivuar më shumë e trajtuar më mirë ushtarakët shqiptarë.
Gjeneral brigade Bardhyl Kollçaku, i cili dorëzoi detyrën falënderoi bashkëpunëtorët e dhe përmendi arritjet e Forcave të Armatosura gjatë drejtimit të tij, pa harruar të përmendë çastet e vështira, që nga përmbytjet, te tërmetet dhe së fundmi gjatë pandemisë.
Shefi i ri i Shtabit të Përgjithshëm të Forcave të Armatosura gjeneralmajor prof. asoc. Bajram Begaj shërbente si komandant i Komandës së Doktrinës dhe Stërvitjes, gjatë drejtimit të së cilës e shndërroi Akademinë e FA në një institucion të mirëfilltë të arsimit të lartë dhe në të vetmin në fushën e sigurisë dhe mbrojtjes.
Gjeneralmajor Bajram Begaj, ka lindur në vitin 1967 në Rrogozhinë. Ka përfunduar studimet në Fakultetin e Mjekësisë në degën Mjekësi e Përgjithshme në vitin 1989 dhe është titulluar oficer aktiv në specialitetin 'Mjekësi" në vitin 1998.
This is the official Channel of the Ministry of Defence of Republic of Albania
Subscribe:
[ Ссылка ]
For more visit: [ Ссылка ]
Subscribe to "Ministria e Mbrojtjes" on YouTube Channel
Shows HERE:
[ Ссылка ]
For more content from click HERE:
[ Ссылка ]
Like Ministria e Mbrojtjes on Facebook HERE:
[ Ссылка ]
Follow Mbrojtja on Instagram HERE:
[ Ссылка ]
Follow Ministria e Mbrojtjes on Twitter HERE:
[ Ссылка ]
Subscribe:
[ Ссылка ]
Abonohu: [ Ссылка ]
#MinistryOfDefence #Albania
Ещё видео!