انت عارف ان احنا داخلين على كارثة ؟
ايرادات مصر انخفضت بشكل كبير بسبب التصعيد الإسرائيلي للحرب، وده حط الحكومة المصريّة قدام تحدي جديد و كبير وهو محاوله سد عجز الموازنة العامه للدوله.
الحكومة عادةً بتلجأ لطرح أذون الخزانة علشان تسد عجز الموازنة ، و بالفعل من بداية السنة الحكومة المصريه بتطرح أذون خزانة بالمليارات علشان توفّر سيولة، مش بس كده ،لا ده الحكومة كمان زوّدت الفايدة على أذون الخزانة ل اكتر من ٢٩٪ علشان تجذب اكبر عدد من المستثمرين.
طيب أومال ايه الكارثة ؟
الكارثة هي ان البنوك المحليّة هي أكبر مستثمر في أذون الخزانة، و الطبيعي ان البنوك دي بتحط معظم فلوسها في ودايع البنك المركزي بدل اذون الخزانة علشان هامش الربح في الودايع أعلى.
لو الاستثمارات في أذون الخزانة كانت أقل من المطلوب، فالحكومة هتضطر ترفع العائد على الأذون لأكتر من ٣٠٪، وعلى الرغم من ان ده هيوفر سيولة على المدى القريّب، بس هيحطنا تحت مخاطر الأموال الساخنة مرة تانية.

свернуть