Le più belle poesie napoletane - Salvatore Di Giacomo: BELLA E INDIFFERENTE - Le videopoesie di Gianni Caputo
Quale uomo non ha subito almeno una volta nel corso della vita, la sprezzante freddezza della donna della quale è stato "devotamente" innamorato?!?... L'antologia della poesia napoletana
Nei versi di Salvatore Di Giacomo la disperazione per un amore non ricambiato
A te Maria, ca bella e indifferente,
ianca comm’ a nu giglio,
fredda comm’a nu marmo eternamente;
a te ca pare ca penzanno sempe,
a n’ata cosa mmiez’ ‘a via cammine,
e nun guarde a nisciuno
pecchè maie, maie quaccuno
truove ca te fa senzo o simpatia;
a te guagliona, ma saputa, bella
e crudele; a te fredda e cuntignosa;
a te giglio ‘nzerato cu na rosa
(pecchè d’ ‘o giglio tiene
‘a statura e ‘o culore
E d’ ‘a rosa ll’addore);
a te sti vierze a te!...Quanto vurrìa
ca fossero ‘e cchiù mmeglio c’aggio scritto,
ca fossero ‘e cchiù doce, anema mia!...
Aiemmè, so’ certo comm’è certo ‘o sole
(ca nun luce cchiù ‘e te)
E comme è certa ‘a luna
(ca cchiù gghianca nunn’è)
Ca nun ‘e lliggiarraie
O ca doppo liggiute,
‘nterra aizanno ‘e spalle ‘e ghittarraie.
E diciarraie: - Ma che ll’ha scritte a fa’?
Quanta vierze perdute!
Nun ave a che penzà!-
Sì, accussì diciarraie. Quacchedunata
S’ è stiparria, quacc’ata
Suspirraria penzanno:
“Puveriello, se vede chiaramente
ca chisto me vò bene overamente…”
Tu no, tu no, tu bella e indifferente
Ianca comm’ a nu giglio,
fredda comm’ a nu marmo eternamente
tu me scarpessaraie. Senza sapè
can a sensazione assaie cchiù forte,
simbè assaie cchiù crudele
e cchiù peggio d’ ‘a morte
ma pure assaie cchiù doce,
stu disprezzo è ppe mme;
ca io so cuntento ‘e stu dulore amaro
e m’ ‘o tengo cchiù caro
pecchè mme vene ‘a te!...

свернуть