පත්තිනි මැනියන් උදෙසා සිදු කරන ප්‍රද පූජාවක් ලෙස පොදුවේ ශ්‍රී ලාංකිය ග්‍රාමිය ජනතාව අතර ප්‍රචලිත මෙම සොකරි ශාන්තිකර්මය පත්තිනි මැනියන්ගේ ආශිර්වාදය ගම්මානය වෙත ලබා ගැනීම සඳහා මෙන්ම විශේෂයෙන් දරු සම්පත් අපේක්ෂාවෙන් දරුසම්පත් අහිමි අය සඳහා මෙන්ම අහිමි දරු සම්පත් හිමිවිමෙන් අනතුරුව භාරහාර ඔප්පුකිරීමක් ලෙසද සිදුකරනු ලබයි.
මෙම ශාන්තිකර්මය තොරාගන්නා එලිමහන් ස්ථානයක ගම්මුන් වටකොට ගෙන රාත්‍රි උදාවත් සමග ආරම්භ කොට ගෙන පසුදු පහන්වන තුරු පත්තිනි මැයෙන්ගේ ආවේශයන් වු සත්පත්තිනි මැනියන් ප්‍රමුක දේව මන්ඩලය උදෙසා කවි ගායනා කරමින් ආශිර්වාද යදිමින්ද, නාට්‍යානුසාරයෙන් හාස්‍ය උත්පාදනයදසමග සොකරි අම්මා ප්‍රමුක කරගත් කථා මාලාවක් ගෙනහර දක්වමන් සොකරි ශාන්ති කර්මය මෙම වාර්තාමය වැඩසටහනේ දැක්වෙන ලෙස පවත්වනු ලබයි.
මෙම ශාන්තිකර්මය පැවැත්විම සඳහා සහභාගිවන ප්‍රධාන චරිත ලෙස ගුරු හාමි (ගුරුන්වහන්සේ) සොකරි අම්මා, කාලි අම්මා, පව්වමීරා (පරයා), රජු, මව් දේවි, ඇමති ,බමුණා, යකා, අණබෙරකරු, මාමයි බෑනයි (අණබෙරකරුවන්), පුලවරු, ආච්චි, හෙට්ටි අයියා, කාවල්කරු, තබරාවිට වෙද, සොත්තානා, වඩුවන් (ගැස්සුවා-ලිස්සුවා), වදකයා, සුනකයා යන චරිත ගත හැකි අතර එහි පසෙක සිට බෙර වයන්නන් හා කවි ගායනා කරන්නන්ද සුවිශාල මෙහෙයක් සිදු කරනු ලබයි.
මෙම වාර්තාමය වැඩසටහන දබුල්ල පහල වැව කේ. ජී ධර්මදාස ගුරුන්නාන්සේ ප්‍රමුක කන්ඩායම විසින් දබුල්ල පහල වැව ගම්මානයෙදී 2022 අගොස්තු 21 හා 22 දිනයන් හී පවත්වන ලද සොකරි ශාන්තිකර්මය ආශ්‍රයෙන් පටිගත කරන ලදි
