Afham TV With Alyaa Gad | Liver Patient Diet تغذية مريض الكبد
Subscribe to official Afham TV With Alyaa Gad : [ Ссылка ]
علشان نفهم إيه الأكلات اللي مسموحة وممنوعة لمريض الكبد لازم نعرف الأول وظائف الكبد الكبد عضو موجود هنا على اليمين من أعلى البطن وهو مسئول عن تخزين حاجات وعن صناعة حاجات هو بيخزن إيه؟ بيخزن السكريات وبيخزن الفيتامينات وبيكسر الدهون وبيصنع البروتينات البروتينات اللي هي المواد اللي محتاجينها علشان نبني جسمنا وبالتالي لما الكبد يكون تعبان وظائفه دي كلها بتقل فا إحنا مطلوب مننا إن إحنا ما نزودش عليه الحمل يعني إيه أهم حاجة ممنوع شرب الكحوليات والحاجات اللي بتضر بالكبد تاني حاجة البروتين اللي هو بيصنعه دة هو مش قادر يصنعه فا إحنا كل ما نديله بروتين هو يتعب أكتر لأنه مش قادر يعمل بيه حاجة فا نقلل شوية البروتينات بنقول جرام بروتين من كل وزن كيلو جرام من جسم الإنسان اللي عنده مشكلة في الكبد كفاية يعني لو وزنك 60 كيلو تأكل 60 جرام بروتين في اليوم كفاية الدهون إحنا بنقول إنه بيكسر الدهون الكبد فا هو لو هو مريض مش قادر يكسر الدهون فا إحنا نقلل الدهون حاجة تانية هو بيخزن الفيتامينات وبعض الحديد وبالتالي هو مش قادر يخزنه علشان مريض فا إحنا ناخد فيتامينات زيادة شوية لأنها مش قادرين نخزنها ممنوع الحاجات اللي بترهق الكبد أوي زي أكلة سمك مملحة مثلا فا نقلل الأملاح ونقلل كل الحاجات اللي الوجبات التقيلة عموما يعني ناكل وجبات صغيرة منتشرة على طول اليوم وغنية بمثلا الكربوهيدات اللي هي النشويات لأنه الكبد مش قادر يخزن السكر فا إحنا بندي نفسنا سكر زيادة شوية في صورة نشويات معنى كدة إنه مريض الكبد في الخلاصة بيكتر الفاكهة والخضار والنشويات زي الرز والمكرونة مثلا والعيش الأسمر بيقلل اللحوم الحمراء بالذات والبيض والجبن وكدة يقللها شوية يعني جرام من الأكل دة من كل كيلو جرام من وزن العيان كفاية ولو بتحب مثلا الفاكهة المجففة دة كويس علشان تديك طاقة باستمرار أشرب مياه كتير باستثناء لو أصابك استسقاء من الكبد يعني هي حالة من الفشل الكبدي للأسف بتسبب تجمع مياه في البطن في الحالة دي لازم تراجع مع الطبيب إيه كمية المياه اللي تشربها دة في الخلاصة ما تنساش تقلل الملح والحاجات اللي بترهق الكبد وتاخد فيتامينات لو الطبيب نصحك بكدة
ألف سلامة عليكم تحياتي
أفهم ، أول موسوعة فيديو عربية للتعليم الصحي تقدمها الدكتورة علياء جاد
القناة تناقش ستة مواضيع رئيسية فيما يتعلق بالجوانب الصحية :
الأسرة , الإسعافات الأولية , الأمراض , الصحة الجنسية , الجمال والرشاقة , المجتمع
Follow Afham TV :
[ Ссылка ]
[ Ссылка ]
[ Ссылка ]
Ещё видео!