Մայսիսի 15-ին Ստեփանակերտի Վերածննդի հրապարակում Արցախի պաշտպանության բանակի նախկին հրամանատար, «Միասնական հայրենիք» կուսակցության հիմնադիր Սամվել Բաբայանի հրավիրած հանրահավաքին պահանջ ներկայացվեց Սամվել Բաբայանին նշանակել պետական նախարար՝ լայն լիազորություններով։
Պահանջը Արցախի նախագահին ներկայացրել է Արցախի Ազգային ժողովի խոսնակ Արթուր Թովմասյանը։
Ավելի ուշ Սամվել Բաբայանը և Արթուր Թովմասյանը հանդես եկան հայտարարություններով։
Բաբայանն ասաց, որ քննարկել են իշխանությունների հետ. «Առաջարկը մեր կողմից է եղել։ Տասը օր ժամանակ ենք վերցնում կոնսուլտացիաների՝ վերջնական որոշում կայացնելու համար: Եթե ոչ, ես կոչ եմ անելու, որ բոլորով հավաքվենք այստեղ ու մեր խնդիրները լուծենք, սա է մեր առաջարկը, և իշխանությունները ընդունել են այդ առաջարկը»։
Արթուր Թովմասյանն էլ ասաց, որ երկրի նախագահը ամենայն հարգանքով վերաբերվեց ցուցարարների պահանջին․ «Այն, ինչ ասաց պարոն գեներալը, ես չեմ ուզում կրկնել։ Տասը օրից հետո ես միջնորդ չեմ լինելու։ Եթե ձեր պահանջը չբավարարվեց, դուք եք իմանում, ինչ կուզեք՝ կանեք»։
Ավելի ուշ Արցախի նախագահ Արայիկ Հարությունյանը հանդես եկավ հայտարարությամբ․ «Հավաքի ներկայացուցիչներին առաջարկել եմ վաղվանից սկսել քննարկումներ ու խորհրդակցություններ նրանց կողմից ներկայացված առաջարկների ու ծրագրերի շուրջ»։
#CivilNet #ՍիվիլՆեթ #Արցախ
- Subscribe to our channel: [ Ссылка ]
- Follow us on Instagram: [ Ссылка ]
- Follow us on Twitter: [ Ссылка ]
- Follow us on Telegram: [ Ссылка ]
- Find us on Facebook: [ Ссылка ]
- Check our website: [ Ссылка ]
© Նյութի հեղինակային իրավունքները պատկանում են Սիվիլիթաս հիմնադրամին: ՍիվիլՆեթի խմբագրական քաղաքականության համաձայն` արգելվում է օգտագործել ՍիվիլՆեթի նյութերը առանց պատշաճ հղման, ներբեռնել և այլ օնլայն հարթակից վերբեռնել ՍիվիլՆեթի պատրաստած և տարբերանշանը կրող տեսանյութերը` առանց համապատասխան համաձայնության:
© Copyright of this report belongs to the Civilitas Foundation. In accordance with the editorial policy of CivilNet (the media project of the Civilitas Foundation), materials may not be reproduced, distributed, transmitted, displayed, published or broadcast without the prior consent of CivilNet. You may not alter or remove any trademark, copyright or other notice from copies of the content.
