PONTEVEDRA. As principais organizacións empresariais de Pontevedra manifestaron esta mañá o seu apoio aos traballadores de ENCE. Os representantes de AEMPE, de CEP, de AJE Pontevedra e da Cámara de Comercio explicaron o impacto que suporía para Galicia o peche da pasteira e a inseguridade xurídica que iso ocasionaría para o resto de empresas españolas.
Os empresarios únense para defender o futuro de ENCE na ría de Pontevedra. Os representantes de AEMPE, de CEP, de AJE Pontevedra e da Cámara de Comercio mostraron esta mañá a súa preocupación pola inseguridade xurídica que esta situación está ocasionando no resto das empresas que traballan nas costas de España.
Os representantes das organizacións empresariais tamén defenderon as melloras medioambientais que a fábrica conseguiu nos últimos anos.
O peche da fábrica afectaría, segundo os empresarios, ao plan social de ENCE e a marca España.
Os empresarios aseguraron que o traslado da fábrica é inviable e afirmaron que dende os colectivos empresariais están barallando a posibilidade de defender nos tribunais a permanencia de ENCE na ría de Pontevedra.
