Մեգերյանների գերդաստանն ավելի քան չորս սերունդ զբաղվել է հին գորգերի վերականգնումով և նոր գորգերի արտադրությանբ: Մոտ երեսուն տարի առաջ Մեգերյանների ընտանիքը սկսեց այդ գորգերի վերարտադրությունը, որի հիմքում ընկած էին գորգերի տեսքի և հնագույն ոճի պահպանման սկզբունքները: Ժամանակի ընթացքում նրանք զարգացրեցին գորգերի վերարտադրման համար բնական ներկանյութեր ստանալու և հանգույցի հին հայկական տեխնոլոգիաները՝ ստեղծելով «ձեռագործ գորգերի արտադրության գործընթացում վաղեմության սկզբունքը»: Ավանդական հայկական ձեռագործ գորգերի արտադրությանը նոր շունչ հաղորդվեց: Մեգերյանները վերաբացեցին ինչպես նախկին, այնպես էլ նոր գորգագործական մասնաճյուղեր Հայաստանի 22 բնակավայրերում:
Հայաստանում Մեգերյանները հաջողությամբ ներդրեցին ներկման բնական մեթոդները: Բնական գույները ստանում էին հայկական լեռնաշխարհի ծաղիկներից, արմատներից ու բույսերից, ինչպես հազարամյակներ առաջ էր արվում: Մեգերյանները ընդարձակեցին գորգերի արտադրությունը Հայաստանում՝ ժամանակակից դիզայներական հմտություններով վերականգնելով Վասպուրականին, Ղարաբաղին, Լոռիին և այլ բնակավայրերին հատուկ գորգերը:
