«Ոչ իշխանական ուժերը չստորագրեցին Նիկոլ Փաշինյանի իմպիչմենտի հայտարարության տակ, քանի որ թագաժառանգության հարց կա»,- համոզված է «Քաղաքացիական պայմանագրի» անդամ, «Սասուն» ջոկատի հրամանատար Սասուն Միքայելյանը։
«Նրանց չի հետաքրքրում, թե մենք ուր ենք գնում, կարևորը նրանց համար այն է, թե ռուսաց թագավորը ում գլխին թագը կդնի։ Նրանց ուզածը ոչ թե իշխանափոխությունն է, այլ իշխանափոխանցումը»,-մեկնաբանում է նա։
Ինչ վերաբերում ԵՏՄ-ին Հայաստանի անդամակցությանը, Սասուն Միքայելյանի համար որևէ արդարացում չկա. «Հոկտեմբերի 27-ից հետո մենք ուրիշ ճանապարհով գնացինք, ինչը քանդեց մեր երկիրը։ Ռուսաստանը երբեք չի կարող անվտանգության երաշխավորը լինել,երբ այդքան զենք է վաճառում Ադրբեջանին։ Նույն սցենարն է կրկնվում, ինչ 1915 թվականին»։
