Պետական այցով Չինաստանի Ժողովրդական Հանրապետությունում գտնվող Նախագահ Սերժ Սարգսյանը Ժողովրդական ներկայացուցիչների պալատում հանդիպում է ունեցել ՉԺՀ Նախագահ Սի Ծինփինի հետ: Հանդիպման ավարտին բանակցությունների արդյունքներով Հայաստանի և Չինաստանի նախագահները ստորագրել են «Հայաստանի Հանրապետության և Չինաստանի Ժողովրդական Հանրապետության բարեկամական համագործակցության հարաբերությունների հետագա զարգացման և խորացման մասին» համատեղ հռչակագիր: Ստորագրվել են նաև երկու երկրների միջև քրեական գործերով փոխադարձ իրավական օգնության, տեխնիկատնտեսական համագործակցության, Հայաստանին արտոնյալ վարկի տրամադրման, մաքսային գործերում համագործակցության և փոխադարձ օգնության, կրթության և գիտական աստիճանների վերաբերյալ փաստաթղթերի փոխադարձաբար ճանաչման, զբոսաշրջության բնագավառում համագործակցության և այլ համաձայնագրեր: ՀՀ և ՉԺՀ բարեկամական համագործակցության, հարաբերությունների հետագա զարգացման և խորացման մասին հռչակագրի բովանդակությանը կարող եք ծանոթանալ այստեղ:
Տեսանյութը տրամադրել է ՀՀ Նախագահի մամուլի ծառայությունը:
[ Ссылка ]
