Հայոց ցեղասպանության թանգարան- ինստիտուտի տնօրենն այսօր լրագրողներին է ներկայացրել հուշահամալիրի ու հարակից շինությունների նորոգման գենպլանը: Իրականում, նախագիծը վաղուց էր պատրաստ, փողն էլ կար, բայց անընդհատ ձգձգվում էր: Հիմա, կարծես, բյուրոկրատական գլուխկոտրուկներն սպառվել են ու Ծիծեռնակաբերդը վերջապես կնորոգվի: Այս ապրիլ լրանում է Օսմանյան կայսրությունում պետական մակարդակով կազմակերպած ու իրականացրած հայոց ցեղասպանության 110-ներորդ տարելիցը:
