#demədidemə #azerbaycan #arıqlamaq
Hamımızın arzuladığı, amma əldə etmək üçün heç bir cəhd etmədiyi nədir? 1 milyard manat qazanmaq? Yox! Arıqlamaq? Əlbəttə! Bir də, elə şey var ki, hamımız onu sevirik, amma o, hədəfimizə çatmağa kömək etmir. Bəs, o, nədir? Yuxu!
Bu gün “şanslı gün”dəsiniz. “Mümkünsüz” olanı edək və yuxu ilə arıqlamağı birləşdirək. Həm yatın, həm arıqlayın. Necə?

1. Metabolizmanızı sürətləndirin.
Bəzi insanlar var ki, əllərinə keçəni yeyirlər, idman salonuna getmirlər, yenə də, kökəlmirlər. Onların sirri “tiroid vəzi”dir. Tiroid metabolizmanın əsasıdır. Orqanizmə gələn kalorilərin nə qədərinin yandırıldığına nəzarət edən hormonlar məhz burda ifraz edilir. Orqanizmin “təbii yağ yandırma mexanizmini” onun istədiyini verərək, qidalandırın. Yod, sink və selen baxımından zəngin qidalar qəbul edin. Məsələn; yodlaşdırılmış duz, dəniz yosunu, ət, dəniz canlıları və Braziliya qozu.
2. Bol-bol su için.
Xüsusilə, soyuq su metabolizmanı 10-30% sürətləndirir. Elmi araşdırmalar sübut edir ki, soyuq su içəndə orqanizm onu isitmək məcburiyyətində qalır. Bu da o deməkdir ki, daha çox kalori yandırılır. Gün ərzində 6-8 stəkan su içmək gündə 50 kalori yağ yandırmağa kömək edir. Digər bir deyimlə, həm dincəlin, həm də yağ yandırın.
3. Soyuq duş alın.
Hamamdakı su da sizi arıqlada bilər. Su 210C-dən soyuqdursa, orqanizm daha çox istilik istehsal edir ki, üşüməyəsiniz. Bu, metabolizmanızı sürətləndirir. Beləcə, daha çox kalori yandırılır. Amma bir şey var; soyuq duşa qəfil keçməyin. Amerikan Milli Səhiyyə Agentliyi (National İnstitutes of Health-NİH) tərəfindən aparılan araşdırmada məlum oldu ki, 210C-dən soyuq olan su ilə duş alınan zaman metabolizma 93% sürətlənir. Su 140C-dirsə, bu göstərici 350% olur. Əvvəlcə, 5 dəqiqəlik soyuq duş ilə başlayın. Hər dəfə 1 dəqiqə müddəti artırın.
4. Gün ərzində mürgüləyin.
8 saatlıq yuxu 300 kalorinin yandırılması deməkdir. Yuxusuz qalsanız, orqanizm daha çox enerjiyə ehtiyac duyur. Mürgüləməklə bunu əldə edə bilmədiyinə görə, yemək axtarışına çıxır. Beləcə, hormon səviyyənizdə xaos yaşanır: aclıq hormonu daha çox ifraz edilir, əksinə, toxluq hormonunun miqdarı azalır. Bir araşdırmada sağlam yetkin insanlardan 5 həftə boyunca, sutkada 6 saat yatmaları istənildi. Araşdırmanın nəticələrinə əsasən, məlum oldu ki, dincələrkən metabolizmanın sürəti 8% azalıb.
5. Otaq temperaturunu azaldın.
Üşüyərkən, orqanizm öz istiliyini qorumaq üçün daha çox enerji yandırır. Burda enerji kalorilərdir. Yəni, oturduğunuz otaq nə qədər soyuqdursa, orqanizm o qədər çox kalori yandırır; bayaq dediyim soyuq su məsələsində olduğu kimi. Ən düzgün yol budur: yatarkən istiliyi 180C-yə endirmək. Siz yuxular aləmində səyahət edərkən, orqanizminiz də işləsin. Yetər ki, çox qalın geyinməyin. Yoxsa, yeganə fayda işıq pulunun az gəlməsi olar.
6. Səhər kofesi için.
Südlü, xamalı, kremli, yağlı qarışımdan bəhs etmirəm. Bir fincan sadə kofe için. Sadə kofe metabolizmanızı sürətləndirir və yatarkən daha çox yağ yandırmağınızı təmin edir. Amerikan Milli Səhiyyə Agentliyi (National İnstitutes of Health-NİH) kofeinin təsiri ilə bağlı da araşdırmalar aparıb. Məlum olub ki, kofeinin yandırdığı yağ daha arıq insanlarda 29%, köklərdə isə 10% artıb. Kofein birbaşa sinir sisteminə gedir və yağ hüceyrələrinə parçalanmalarını əmr edir.
7. Yağı dəyişdirin.
Qızardılmış yeməkləri sevirsinizsə, imtina etməyə lüzum yoxdur. Qızartmalarınızı kokos yağı, yaxud palma çərtdəyi yağı ilə hazırlamağınız yetər. Araşdırmalar göstərib ki, səhər yeməyinə 2 xörək qaşığı kokos yağı qatanlar naharda əvvəlki qədər ac olmurlar. Üstəlik, nahardan sonra iştahları azalır. Bu iki yağ orqanizmdə daha tez parçalanır və mənimsənilir. Bu da metabolizmanın öz işini daha sürətlə yerinə yetirməsinə kömək edir.
8. Yeməklərinizə ədviyyat qatın.
Qırmızı bibər, Meksika bibəri və sosiska da rasionunuzdan çıxmasın. Bu məhsullarda kapsaisin adlı maddə var. Ədviyyatlı yeməkdən sonra ayran içmək istəmənizə səbəb olan məhz kapsaisindir. Kapsaisin metabolizmanızın daha sürətlə işləməyini təmin edir. Ədviyyatlı yeməklər iştahınızı da azaldır. Axşam yeməyində yediyiniz bol ədviyyatlı pizza dilimi sizi daha çox tox saxlayar və yatmamışdan qabaq təkrar acmazsınız.
9. Alma sirkəsini rasionunuza daxil edin.
Yeməklərinə alma sirkəsi qatanların, digərlərinə nisbətən hər gün 200 kalori daha az qəbul etdiyi sübut olunub. Səbəbi sadədir: alma sirkəsi beyinin iştaha nəzarət edən bölgəsinə təzyiq göstərir. Nəticədə, insan özünü ac hiss etmir. Zamanla orqanizmdəki yağ miqdarı azalır. Salatlara 1 xörək qaşığı alma sirkəsi əlavə etmək metabolizmanı yavaşlamağa qoymur.

свернуть