Tre shqiptarë dhe një grek janë arrestuar ditën e djeshme nga policia në Forsinone të Italisë, pasi dyshohen si posedues të 11 kilogramë kokainë të sekuestruar nga policia. Arestimi i tyre erdhi pas një operacioni blic në përfundim të hetimeve që Guardia di Finanza kishte nisur në zonën hekurudhore, vendi i preferuar për përdoruesit dhe shpërndarësit.
Gjatë hetimeve, policia italiane ishte pikasur një automjet “Volksëagen Tiguan” me targa greke i dyshimtë në rrugë “Gaeta”, ku pas kryerjes së disa kontrolleve, rezultoi se në atë zonë ishte rezident një shtetas shqiptar me precedentë kriminalë për veprën penale të shpërndarjes së drogës.
Pas rreth 5 orësh monitorim, tre persona me origjinë shqiptare u panë të hynin në parkimin ku ndodhej makina me targa greke, që drejtohej nga një 60-vjeçar me origjinë greke.
Në atë moment policia ndërhyri. Nervozizmi i çuditshëm i treguar nga shqiptarët ka bërë dyshues efektivët që filluan të çmontonin makinën.
Dhe vetëm me heqjen e një feneri, të vulosur mirë, u gjetën 11 kilogramë kokainë, nga të cilat do të nxirreshin rreth tetë mijë doza. Në tregun me pakicë, e gjithë kjo drogë do të sillte të ardhura më shumë se 1 milion euro.
Katër personat u arrestuar për trafik droge. Gjatë operacionit janë sekuestruar edhe 5 automjete dhe 13 telefona. Ndërkohë që vijojnë hetimet për të zbuluar se nga ka ardhur droga dhe për kë ishte destinuar.
