Լոռու մարզի Լեռնապատ գյուղը 1988-ի երկրաշարժից գրեթե հիմնովին ավերվել է։ Գյուղում 132 մարդ է զոհվել: Հարակից տարածքում նոր գյուղ կառուցելու նախաձեռնությունն այդպես էլ չի իրականացվել: Երկրաշարժից հետո կազմված հերթացուցակով գյուղում մոտ 400 տուն պետք է կառուցվեր։ Անցած 29 տարիներին անգամ դրա կեսը չի կառուցվել, բայց տան կարիք ունեցողների թիվը նվազել է տարիների ընթացքում հերթացուցակը քիչ-քիչ «մաղելու» միջոցով։
