Lajme arkiva 2005
Tashmë kontestimet për procesin zgjedhor kanë filluar në masë. Kreu i Lëvizjes për Zhvillim Kombëtar Dashamir Shehi denoncon manipulimin dhe vjedhjen e votave që i është bërë nga Partia Demokratike sipas tij në dëm të Lëvizjes që përfaqëson.
Dashamir Shehi: “Ne gjykojmë që këtu është bërë një vjedhje masive. Komplet proporcionali Lëvizjes për Zhvillim Kombëtar, është bërë e organizuar, e drejtuar direkt nga zoti Berisha. Në orën 1 të natës në telefon janë lajmëruar të gjitha qendrat e votimit pasi është marrë vesh që është fituar në mazhoritar Partia Demokratike dhe s’ka nevojë për aleatë s 'komodë si puna jonë se për të qenë të vërtet jemi s 'komodë nuk na pëlqen shumë. Edhe janë vjedhur votat në mënyrë masive, i janë drejtuar Partisë Republikane dhe drejt partive të tjera aleate.”
Zërat kontestues vijnë edhe nga aleatët e Partisë Socialiste. Kreu i Demokracia Sociale, Paskal Milo akuzon Partinë Socialiste për arritjen e një marrëveshje me PSD-në në dëm të partisë së tij.
Paskal Milo: “Ne kemi me dhjetëra ankime dhe fakte konkrete që komisionarët e Partisë Socialiste dhe të Partisë Social Demokrate dhe të ndonjë partie tjetër, vjedhin në mënyrë masive votat e Demokracisë Sociale dhe i kalojnë për llogari të Partisë Socialdemokrate ose të ndonjë partie tjetër të asaj që u quajt Aleanca e Majtë. Ne do të qëndrojmë ashtu siç kemi qëndruar gjatë gjithë fushatës elektorale të ekuilibruar, të kujdesshëm me qëllim që të kontribuojmë në qeverisjen e Shqipërisë dhe jo të bëhemi pjesë klaneve mafioze politike që kërkojnë të luajnë me interesat e shqiptarëve vetëm e vetëm që të qëndrojnë në pushtet apo që të vijnë në pushtet.” /tvklan.al
Gazetare: Mimoza Koçiu
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
