Əvvəlcə, diz ağrılarının səbəblərini yaxından tanıyaq.
1. Artıq çəki.
2. Vitamin və ya mineral çatışmazlığı.
3. Hərəkətsizlik.
4. Ağır idman hərəkətləri.
5. Daşlaşma.
6. Toxuma əriməsi.
7. Sümük əriməsi.
8. Revmatizma.
9. Qocalıq.
10. İnfeksiyalar.
11. Ani yaralanmalar və burxulmalar.
12. Əzələlərin zəifləməsi.
13. Hamiləlik.
Diz ağrıları olan adamlar nəyi etməlidir? Yaxud nəyi etməməlidir?
-Dizlərdəki ağrılar üçün xüsusi aktivlik proqramı tərtib edin. Bunu nizamlı şəkildə tətbiq edin. Əzələləriniz hərəkət etdikcə elastikləşəcək və ağrılarınız azalacaq. Diz ağrılarında səhər və axşam gəzintiləri, üzmək, müxtəlif su idmanları da faydalıdır.
-Ehtiyatlı olmaq. Dizlərində ağrı olanların qəfildən yıxılma ehtimalı böyükdür. Həmişə diqqətli yeriməlidirlər.
-Arıqlamaq. Artıq çəki dizləri gücə salır. Arıqladıqca dizlərdəki ağrılar azalır.
-Rahat ayaqqabılar seçin. Çünki dizlərinizi gücə salan faktorlardan biri də narahat ayaqqabılardır.
-Ağır idman növləri ilə məşğul olmayın. Bir az dizinizə istirahət verin.
-Yuxu rejiminə əməl edin. Normal yuxu ağrıları azaldır.
Diz ağrılarını azaltmaq və ya yox etmək üçün nə etmək lazımdır?
1) Soğan dilimi. Yox, soğan yeməkdən danışmıram. Corabınızın içinə qoyacağınız 1 dilim soğan ilə ağrılardan qurtula bilərsiniz. Soğan qida maddələri baxımından çox zəngindir. Tərkibində A, B, C vitaminləri, kalium, kalsium, maqnezium, yod, fosfor, natrium, kükürd olan soğan bir çox xəstəliklərin müalicəsində faydalıdır. Ayaqlarımızda 7 min sinir ucu var. Soğan dilimi revmatizma qaynaqlı ağrıların olduğu yerə, ya da ayağın altına yerləşdirilir, üstündən sellofanla sarılır. Sonra da corab geyinilir. Bu üsul ağrıları azaldır və ya yox edir. Soğan dilimləri qapısı qapalı bir otaqdan yatağın baş ucuna qoyulduqda, səhərə qədər nəfəs yollarını açır. Soğan püre halına salınıb sinəyə sürtüldükdə, bəlğəmi tökür. Axşam yatmazdan qabaq orta ölçülü bir soğanı ikiyə bölün. Hissələri dizinizdəki ağrıyan nahiyəyə qarşılıqlı olaraq qoyun və üstündən sellofanla bərk-bərk bağlayın. Üstündən də təmiz bir parça ilə sarıyın. Səhərədək belə qalsın. Oyandığınızda sarığı açın və soğanı götürün. Bu proseduru 3 gün ard-arda edin. Diz ağrılarının yox olduğunu özünüz görəcəksiniz.
2) Yerkökü. Qədim zamanlarda da yerkökü oynaq ağrılarının dərmanı sayılırdı. 2 ədəd orta ölçülü yerkökünü sürtgəcdən keçirin və yeyin. Dadını dəyişmək üçün üstünə limon sıxa bilərsiniz. Yerkökü ən təbii ağrıkəsicilərdəndir.
3) Samanlıq güldəfnəsinin toxumu. Bu toxumdan 2 çay qaşığı götürün. Üstünə su tökün. Axşamdan sabahadək gözlədin. Səhər suyu süzün və toxumları yeyin. Ağrılarınız azalacaq.
4) Düyü. Düyünü qəşəng qaynadın, püre halına salın. Soyuducuda bir az gözlədin. Sonra ağrıyan nahiyəyə bu püredən çəkin. Bu üsulla ağrılarınız azalacaq, hətta şişkinliklər yox olacaq.
5) Darçın. Xüsusilə, darçını balla qatdığınızda diz ağrısını azaltmaqda yüksək effektə malik olur.
6) Soyuq kompres. Qəfildən yıxılma, yaxud harasa dəymə nəticəsində yaranan diz ağrıları zamanı soyuq su ilə isladılmış parça qoymaq məsləhətdir.
7) Bamya toxumu. Bu toxum təkcə dizi yox, ümumiyyətlə, bütün sümükləri möhkəmləndirir. Bu toxumları çay kimi dəmləyin və için. Mütəmadi olaraq istifadə edildiyində dizdəki ağrıları azaldır. 2 həftə bamya toxumu çayı için, sonra 1 həftə fasilə verin və təkrar başlayın.
8) Zəncəfil və zəncəfil yağı. Təbii ağrıkəsici və immunitet gücləndirici olan zəncəfildən müxtəlif üsullarla istifadə edə bilərsiniz. Zəncəfil yağını ağrıyan nahiyəyə çəkin. Təzə yaxud, toz halında olan zəncəfili çay kimi dəmləyib için. Ya da, toz halındakı zəncəfili bala, zeytun yağına qatıb udun. Effektini qısa zamanda görəcəksiniz.
9) Sarıkök və sarıkök yağı. Zəncəfil kimi, sarıkök də güclü antioksidantdır. Həmçinin, iltihab əleyhinə vasitədir. Gündəlik qida rasionunda qəbul etdiyimizdən əlavə, müxtəlif bitki çaylarına və ya şirniyyatlara da sarıkök əlavə edə bilərik. Sarıkök yağını ağrıyan nahiyəyə çəkin, yaxud çayını dəmləyib için. Sarıkökü bala və südə qataraq da qəbul edə bilərsiniz.
10) Çinar yarpağı. Sümükləri gücləndirən ən təbii vasitələrdəndir. Xüsusilə, daşlaşma və revmatizma zamanı çox faydalıdır. Çinar yarpağını çay kimi dəmləyin. Alınan tünd rəngli suyu ağrıyan nahiyələrə çəkin və gözləyin.
11) Sarıkök və zəncəfil bir yerdə. 3 stəkan suyu qaynadın və içinə 1 xörək qaşığı zəncəfil, 1 xörək qaşığı sarıkök əlavə edin. Vam odda, təxminən, 20 dəq bu qarışımı qaynadın. Sonra süzün və içinə bir az bal əlavə edin. Gün ərzində 2 stəkan için. Revmatizm və artrit kimi xəstəliklərin müalicəsində faydalıdır.

свернуть