Voskopoja është një komunë që ndodhet rreth 21 km larg nga qyteti i Korçës mbi një pllajë 1160 metra mbi nivelin e detit. Voskopoja ishte qëndër e zhvilluar kulturore e themeluar në vitin 1330 e përbërë nga shqiptarë, arumunë e grekë. Në Voskopojë u vendos shtypshkronja e dytë në Perandorinë Osmane (pas asaj në Kostandinopojë), u themelua Akademia e Re, një jetimore (e para në botën post-Bizantine), një spital si dhe 24-30 kisha unikale. Anastas Kavaljoti ishte ai qe mendohet se përgatiti alfabetin e parë shqip, madje shkroi dhe disa traktate por që janë zhdukur.

Voskopoja u shkatërrua nga disa djegie të njëpasnjëshme: më 1769 fiset myslimane shqiptare të Dangëllisë e sulmuan si qendër ortodoksie si hakmarrje për sulmin e rusëve në Moré më 1768, me arsyen se karvanët e qytetit kishin tre vjet që nuk i kishin paguar taksën e këmborës për dervenagët (rojtarë qafash) e Dangëllisë. Kulmi arriti në 1788 kur trupat e Ali Pashës e rrafshuan përfundimisht. Një pjesë e tregtarëve voskopojarë u vendosën në Korçë e Berat ndërsa shumica u largua për në Thesali, Austri, Mbretërinë e Hungarisë si dhe në Transilvani. Këtu ata luajtën një rol kyç në Rilindjen Kombëtare Rumune. Ndonëse Daniel Voskopojari rindërtoi një shkollë në 1802 qyteti nuk e mori më veten kurrë. Sikur të mos mjaftonte kjo Voskopoja u plaçkit edhe një herë nga banda e Sali Butkës në 1916.

-------------

🌐 VISIT OUR WEBSITE:
www.mtravelvlog.com

-------------

📸 SOCIAL:
INSTAGRAM: [ Ссылка ]
FACEBOOK: [ Ссылка ]
TikTok [ Ссылка ]
PINTEREST [ Ссылка ]

-------------

Thank you for being here and checking out our channel! 🙏🏼

❤️ Please like and subscribe!

-------------

#mtravelvlog #albania #korce #voskopoje

свернуть