*2028 ණය ගෙවන්න නම් රටේ ආර්ථික හා දේශපාලන ස්ථාවරත්වයක් තිබිය යුතු යි - සමගි ජන බලවේගයේ හා සමගි ජන සන්ධානයේ නායක සජිත් ප්‍රේමදාස මහතා*
2028 ණය ගෙවන්න නම් අපේ රටේ ආර්ථිකය ශීඝ්‍ර ලෙස වර්ධනය විය යුතු බවත් ඒ සඳහා සෘජු විදේශ ආයෝජන ශක්තිමත් කළ යුතු බවත් ඒ සඳහා රටේ ආර්ථික ස්ථාවරත්වය දේශපාලන ස්ථාවරත්වය රැකගත යුතු බවත් නව ආයෝජන සදහා පවතින වැරදි නීතිරීති රෙගුලාසි ඉවත් කර දූෂණය වංචාව හොරකම පිටුදකින වැඩපිළිවෙළක් ක්‍රියාත්මක කළ යුතු බවත් මානව ප්‍රාග්ධන සංවර්ධන වැඩපිළිවෙළක් දක්ෂ ශ්‍රම බලකායක් ඇති කළ යුතු බවත් සමගි ජන බලවේගයේ හා සමගි ජන සන්ධානයේ නායක සජිත් ප්‍රේමදාස මහතා පැවසීය.
*සමගි ජන බලවේගයේ හා සමගි ජන සන්ධානයේ නායක විපක්ෂ නායක සජිත් ප්‍රේමදාස මහතා මේ බව කියා සිටියේ මොරටුවේ දී සමගි ජන බලවේග පක්ෂ ක්‍රියාකාරීන් සමග පැවැති හමුවකදීය.*
තරුණ කාන්තා ආදී විවිධ කොට්ඨාස අපේක්ෂා කරන පිළිගන්නා රටට අවශ්‍ය වෙන නිවැරදි මතවාදයක් නිර්මාණය කළ යුතු බවත් තමා තරයේ විශ්වාස කරන ආකාරයට ප්‍රතිපත්ති ප්‍රකාශය තුළ නිර්මාණිත මතවාදය විශිෂ්ඨ බවත් අපක්ෂපාතීව බලන විට ඕනෑ ම අයකුට එය පිළිගැනීමට සිදුවන බවත් එය රටට යහපත් එකක් බවත් සමගි ජන බලවේගයේ හා සමගි ජන සන්ධානයේ නායක සජිත් ප්‍රේමදාස මහතා පැවසීය.
එමෙන් ම අපේ රට ගොඩනගන ගමනට මුල පිරිය යුතු බවත් ඒ සඳහා මහමැතිවරණයට ඉදිරිපත් වු බවත් අපේ රටේ ණයවලින් කොටසක් ගෙවීමේ වැඩපිළිවෙළ 2028 ආරම්භ වන බවත් ආර්ථිකය කුඩා වූ සංකෝචනය වූ ආර්ථික වර්ධන වේගය ඉබි ගමනින් යන මොහොතක වසර 4ක් තුළ ණය ගෙවීමට සිදුවන බවත් එය හිටපු ජනාධිපතිවරයා ප්‍රමුඛ ආණ්ඩුව ලබා ගත් ගිවිසුම බවත් සජිත් ප්‍රේමදාස මහතා පැවසීය.
එබැවින් සෘජු විදේශ ආයෝජන රටවලට ඇති හිතවත්කම් මත සිදුවන බවත් ඔවුන් පැමිණෙන්නේ වැඩිම ප්‍රතිලාභ ඇත්නම් නිසා වියට්නාමය, කාම්බෝජය, ඉන්දුනීසියාව, ඉන්දියාව, බංග්ලාදේශය වැනි රටවල් තෝරා නොගෙන අප රට තෝරා ගැනීමට අවශ්‍ය පදනම සකස් කළ යුතු බවත් ආයෝජන ප්‍රවර්ධනය කිරීමට විශේෂ වැඩපිළිවෙළක් රටට අවශ්‍ය බවත් මේ ආයෝජන ඉලක්ක කේන්ද්‍රීයව සහන ලබා දිය යුතු බවත් හෙතෙම වැඩිදුරටත් අවධාරණය කළේය.
තවද රටේ ආර්ථික වර්ධනය වේගවත් නොවී 2028 ණය ගෙවීමේ ක්‍රියාවලිය ආරම්භ කළ නොහැකි බවත් ඒ නිසා මේ රටේ ආර්ථික වර්ධන වේගය ශීඝ්‍රයෙන් ක්‍රියාත්මක කරන්න රට ගැන ලක්ෂ 220 ජනතාව ගැන සිතා කුහක ඊර්ෂයාකාර වෛරක්කාර දේශපාලනයෙන් බැහැර වී යහපත් දෙයට සහාය දී අයහපත් දෙයට විරුද්ධ වෙමින් රට ගොඩනගන ක්‍රියාවලියට යොමුවිය යුතු බවත් ඒ සඳහා නායකත්වය ලබා දෙන්න සමගි ජන බලවේගය සූදානම් බවත් සමගි ජන බලවේගයේ හා සමගි ජන සන්ධානයේ නායක සජිත් ප්‍රේමදාස මහතා පැවසීය.
