في الساعات الأخيرة سمعنا اسم جديد في الصفقات اللي الاهلي مهتم بيها وبيفاوضها .. والاسم دا هو يانيس ستويكا الروماني صاحب ال22 عام ..اللي بيلعب في فريق هيرمانشتات الروماني .. معرفش اسم الفريق ليه قالب علي wwe
المهم صلي علي النبي كدا عشان نبدأ الفيديو .. الصحفي احمد كامل
خاص| جريدة "أهل مصر"
قال إنه تواصل مع المدير الرياضي اللي نفي تواصل الاهلي معاهم بشأن اللاعب
⬅️واتكلم مع مصدر مقرب من اللاعب وأكد أن هناك مناقشات مع الأهلي وعدة أندية آخرى من أجل الحصول على خدمات اللاعب في الشتاء لكن لا يوجد أي اتفاقات أو عروض رسمية حتى الآن.
يانيس ستوكا صاحب الـ22 عامًا شارك مع منتخب رومانيا الأولمبي، ويجيد اللعب على الجناحين ومركز رأس الحربة، وشارك مع فريقه في الموسم الجاري في 22 مباراة، سجل 4 أهداف، وصنع 3.
الموسم اللي فات شارك في 39 لقاء سجل 14 وصنع 5
لعب في 5 مراكز في ال39 مباراة واهمهم
خط وسط ايمن لعب 15 وسجل 5 وصنع 1
ومهاجم صريح ل6 لقاءات أحرز هدف
والجناح الأيسر اللي بيجيد اوي ف المركز دا لعب مباراتين سجل 3 وصنع 1
لعب طول مسيرته 165 لقاء
سجل 35 وصنع 19
مش عارف متسجل أنه جناح ايسر ازاي مع أنه أقل مركز لعب فيه مباريات لعب 9 وسجل 5 وصنع 2
يمكن اكتشفوه ف المركز دا مؤخرا
لانه لاعب جوكر بيلعب ف الجزء الامامي كويس جدا .. لاعب مهاري وسريع وعنده حسن التصرف بالكورة ودا اللي هتشوفه خلال الفيديو
لعب مع منتخب رومانيا في الأعمار السنية من تحت 16 سنة لتحت 23 سنة إجمالي عدد مباريات 41 لقاء ومسجل 18هدف
قيمته التسويقية مليون 600 وهي اعلي سعر لاعب في نادي هيرمانشتات عموما يعني
اللاعب عقده ممتد مع ناديه ليونيو 2027 وفيه 3 أندية مهتمة للتعاقد مع اللاعب غير الاهلي
لاعب ممكن يفيدك في ظل الإصابات الكتير اللي موجودة حاليا وعجز لاعيبة الوينجات عندنا ، يعني تقوله انزل مكان حسين الشحات يقولك عينيا ، تقول انزل وينج شمال مكان.. ءءء مفيش حد الناحية التانية كلهم مصابين اصلا ..المهم تقوله عاوزك مهاجم بديل وسام ، يقولك علم وينفذ
عاوزك مكان افشه يقولك ميضرش.. من الاخر حطه ف اي حتة ف الجزء الامامي وسيبه هو عارف هيعمل ايه
وهنا تكون نهاية الحلقة متنساش اللايك بتاعك ،، وقولي لو فيه لاعب كويس محتاج اني أننا نعرضه من خلال القناة . قولي عليه في كومنت والسلام عليكم ورحمه الله وبركاته
اهداف ستويكا
#صفقات_الاهلي_الجديده #الاهلي
