Երեվան - Բաքու խաղաղության գործընթացն ինչ զարգացումներ կապրի Թրամփի օրոք: Վերլուծաբաններին լավատեսություն է ներշնչում Թրամփի Նոբելյան հավակնությունը: Խաղաղության դափնու՝ իր ցանկությունների մասին Թրամփը մեկ անգամ չէ անկեղծացել, նախընտրական քարոզում էլ ամերիկահայերին հավատ է ներշնչել, որ կդառնա հալածյալների պաշտպանն ու հայ-ադրբեջանական խաղաղության դարբինը: Հիմա վերլուծաբանները սպասում են, թե Սպիտակ տանն իր նորամուտը տոնելուց հետո, Թրամփն ինչպես կարձագանքի Բաքվի դեմարշին ու լկտի պահվածքին: Երբ պարզ դարձավ, որ ՔՈՓ29-ին Վաշինգտոնը չի կներկայանա նախագահի դեմքով, գործի անցան Ալիեվի սազանդարները՝ Միացյալ Նահանգները որակելով ցեղասպան ու ամենաստոր քայլերի ունակ պետություն:
