Жахан жұртын коронавирус жалмап жатқанда Қазақстанда жедел жәрдем жүргізушілері далада қаламыз ба деп қорқып жүр. Нақтырақ айтсақ, Алматыда жедел жәрдем жүргізушілері жаппай жұмыссыз қаламыз ба деп қауіптенеді. Айтуларынша, басшылық оларды шетінен ақысыз демалысқа жіберіп жатыр. Ал жедел медициналық көмектің төртінші санаты бойынша қызмет көрсететін олардың көліктері жыл басынан бері тоқтап тұр. Бірақ жедел жәрдем қызметінің басшысы барлық әрекет заңды, жүргізушілер жұмыссыз қалмайды дейді. Ендеше ел неге алаңдаулы?
