E treta e vërteta për Joe Biden. 77-vjeçari që shkon në Shtëpinë e Bardhë si Presidenti më i moshuar në historinë e vendit kishte kandiduar edhe 2 herë të tjera për këtë post, por pa sukses. Në fillim në ‘88-ën dhe më pas në 2008-ën, por karriera e tij 50-vjeçare në politikën amerikane është ndjekur edhe nga tragjedi familjare.

Ai u bë senatori i pestë më i ri në historinë e vendit në vitin 1972 pak javë më pas humbi bashkëshorten dhe vajzën vetëm 1 vjeç në një aksident automobilistik ku shpëtuan fatmirësisht 2 djemtë e tij.

I goditur nga aneurizma të shumta në 1988, i mbijetoi një operacioni 9-orësh. Në 2015-ën humbi njërin nga djemtë e tij për shkak të tumorit në tru dhe për shkak të dhimbjes nuk kandidoi përballë Trump në atë kohë.

8 vjet si zv/President në krah të Barack Obamës i faturuan disa nga sukseset dhe dështimet e tij, por që në atë kohë analistët panë se ai po përgatitej për të garuar sërish për kreun e Shtëpisë së Bardhë.

Bashkëpunimi me një president me ngjyrë i rritën popullaritetin në komunitetin afro-amerikan. Kjo shihet sot edhe si një nga arsyet e fitores. Në krahun tjetër thuhet se Trump humbi në këto 4 vite sharmin e një njeriu që vinte nga jashtë sistemit.

Por çfarë presidenti do të jetë Joe Biden? Sfida e parë është Covid-19. Pritet të shihet cila do të jetë sjellja në lidhje me mbylljen e vendit dhe rimëkëmbjen e ekonomisë.

Në pritje janë edhe çështjet ndërkombëtare, marrëdhëniet me Kinën, Rusinë, Lindjen e Mesme apo Europën. “I përgjumuri Joe” siç e quante Trump, zgjoi Amerikën” shkruajnë gazetat që pyesin tashmë se çfarë do të bëjë ai me botën.

Tv Klan
SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть