Ուզբեկստանի մայրաքաղաք Տաշքեդում ավարտված ըմբշամարտի աշխարհի առաջնությունից` նվաճած 2 ոսկե մեդալով հայրենիք է վերադարձել հունահռոմեական ոճի ըմբշամարտի Հայաստանի հավաքականը: Զվարթնոց օդանավակայանում աշխարհի նորընծա չեմպիոններ` 75 կիլոգրամ քաշային Արսեն Ջուլֆալակյանին և 98 կիլոգրամ քաշային Արթուր Ալեքսանյանին դիմավորել են ՀԱՕԿ ներկայացուցիչները, սպորտի և երիտասարդության հարցերի նախարար Գաբրիել Ղազարյանը, չեմպիոնների հարազատները, բարեկամները, ընկերները և երկրագուները: Արսեն Ջուլֆալակյանն ու Արթուր Ալեքսանյանը 13 տարի ընդմիջումից հետո հայերին պարգևեցին բաղձալի ոսկե մեդալը: Աշխարհի չեմպիոնները հույս են հայտնել, որ կոտրելու են նաև 2016-ին Ռիո դե ժանեյրոյում կայանալիք օլիմպիական խաղերում 20 տարվա սառույցը և հայրենիք են վերադառնալու օլիմպիական ոսկով:

свернуть