БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Бүгінгі шығарылымда:
Алматының алдағы 3 жылға арналған бюджет көлемі бекітілді. Бас жоспарға сәйкес мегаполистің дамуына серпін беретін бастамаларға 2025 жылы қазынадан 2 триллион теңгеден астам қаражат бөлінбек. Бұл шешім қалалық мәслихаттың кезектен тыс өткен 25-ші сессиясында депутаттармен мақұлданды. Қомақты қаржы қай салаларға жұмсалады? Қандай жобаларға басымдық беріліп отыр? Тақырыпты әріптесім Оразай Нұртайұлы жалғастырсын.
Алматының келер жылға бекіткен бюджеті 2022-мен салыстырғанда 2 есе асып түсті. Ендігі қаржыландыру қала әкімі Ерболат Досаевтың айтуынша, мектептерді сейсмикалық күшейту, «Алма-Арасан» радон көзін жаңарту, тұрмыстық қалдықтарды жинау жұмысын жетілдіру, ветеринарлық қызметтің техника паркін жаңарту, қаланың көлік және инженерлік инфрақұрылымын дамытуға, әлеуметтік жобаларды қолдауға, экологияны жақсартуға қарастырылып отыр. Жоспарды іске асыру үшін 2025 жылға 2 триллион 177 млрд теңге бөлінеді.
ЖАНДОС НӘДІРОВ, Алматы қалалық мәслихатының депутаты:
– 40 пайызы, яғни, 852 млрд теңге әлеуметтік салаға бөлінеді. Жалпы саны 31 мектепте күрделі жөндеу басталады. 3 мектеп, 3 балабақша салынады деп айтылды. Және де 11 аурухана, 3 емхана салынады.
ОРАЗАЙ НҰРТАЙҰЛЫ, тілші:
– Ал 2025 жылға арналған бюджеттің 71 миллиард теңгесі Алматыдағы шағын және орта кәсіпке бөлінеді. Бұл шешім 4 мыңнан астам жобаны дамытуға серпін болмақ. Осылайша 2030 жылға қарай бизнестің экономикаға қосатын пайдасы 70 пайызға жетеді деген болжам бар.
БЕЙБІТ ШАХАНОВ, Алматы қаласы әкімінің орынбасары:
– Қаланың жол, көшелерін тазалауға да қосымша қаржы бөлініп отыр. Ол қаланы таза ұстауға дұрыс ықпалын береді деп ойлаймыз. Келесі жылға 27 млрд теңге қарастырылған. Қаланы әрі қарай көркейту, абаттандыру, тазалығын сақтауға арналған барлық шығындардың барлығын жауып, келесі жылы бірқатар бастамалар атқарылатын болады.
Қалалық мәслихаттың кезектен тыс өткен 25-ші сессиясында сондай-ақ шаһардың 2021-2025 жылдарға арналған даму жоспары да қаралды. Бағдар Қазақстанның 2029 жылға дейінгі Ұлттық даму жоспарымен сәйкес келу үшін оған өзгертулер енгізілді. Жаңартылған құжаттағы бастамалар енді жайлы қалалық орта құру, экономикалық өсім, жасыл Алматы, урбанизацияны басқару, қауіпсіздік және цифрлық технологияларды дамыту сияқты бағыттар бойынша іске асады.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
