Сәлеметсіз бе! Бұл шығарылымда біз Санкт-Петербург, яғни кезіндегі Ленинград қаласының үлгісі бойынша қаланған Ақтау қаласымен танысамыз. Ақтау – Маңғыстау облысының орталығы, қала, теңіз және әуе порты. Каспий теңізінің шығыс жағасында орналасқан.
Маңғыстау түбегінде мұнай, газ, уран, басқа да қазба байлықтарының ашылуына байланысты іргетасы 1959 жылы қаланған. 1961-1964 жылдары қала Ақтау поселкесі деп аталды. Ал 1964 жылдан 1991 жылға дейін 19 ғасырдың ортасында қазақ жеріне жер аударылған украин ақыны Тарас Григорьевич Шевченконың құрметіне Шевченко қаласы деп өзгертілді. 1991 жылдан бері қазіргі Ақтау атауымен аталады.
Қаланың бас жоспары 1968 жылы бекітілді. Жобалау және құрылыс істерінің архитекторы А. В. Коротковтың басшылығымен жүргізілді. Теңіз жағасы халықтың демалуына және су портын дамытуға өте қолайлы.
Ақтау қаласының архитектуралық ансамбілін жасаушы архитекторлар, конструкторлар мен құрылысшылар тобына 1966 жылы Лениндік, ал 1977 жылы КСРО Мемлекеттік сыйлықтары берілді. 1975 жылы қатал табиғат жағдайында адамдар тұрағын әсем көгалдандырғаны үшін сумен қамтамасыз еткені үшін халықаралық архитекторлар одағының алтын медалі мен Патрик Акберкомби атындағы сыйлық берілді.
Ақтау қаласы Санкт-Петербург сол кездегі Ленинград қаласының үлгісі бойынша қаланған. Ақтау – өнеркәсіптік қала. Өнеркәсіп қаласының құрылуына Кеңес одағы басшылығының, сол кездегі министр Е. П. Славскийдің басқаруымен елдің ядролық қалқанын жасау туралы шешімі әсер етті.
Ақтау қаласының шығысында 40 километр жерде әйгілі Қарақия ойысы жатыр.
Қалада екі көшенің атауы бар. Бірі Тәуелсіздік даңғылы, екіншісі Бірінші Президент көшесі. Қала ықшамаудандарға бөлінеді. Мекен-жайды атағанда аудан үй пәтер ретімен айтады. Мысалы 15-7-73. Қазіргі уақытта 31 ықшамаудан бар. Әрбір шағынауданда шамамен 50-70-тей үй бар. Әр үйде орташа есеппен алғанда 60 пәтер бар.
Каспий теңізіндегі жалғыз порт-қаласы ретінде және ауқымды мұнай-газ өндіру аймағында орналасқан, инфроқұрылымы дамыған ерекше геосаяси маңызы бар замануи қала. Қаланың жалпы аумағы – 29,36 мың гектар. Халықтың саны 2023 жылғы деректер бойынша 263 мың адамды құрайды.

свернуть