Հռոմի Սրբազան Քահանայապետ Ֆրանցիսկոս Պապը Ծիծեռնակաբերդի Հայոց ցեղասպանության հուշահամալիր այցելությունից հետո գրառում է թողել Հայոց ցեղասպանության թանգարան-ինստիտուտի պատվո այցելուների գրքում:

Հռոմի Պապը գրել է. «Մենք այստեղ աղոթում ենք հայ ժողովրդի ողբերգության համար, և թող մարդկությունը գիտակցի սա և միշտ տարբերի չարը բարուց: Հայ ժողովրդի ողբերգության հիշողությունը թող մեր մեջ մնա, և հիշողությունն է, որ հետագայում կանխելու է նման ոճիրները»:

Հայաստան այցի երկրորդ օրը Հռոմի Սրբազան Քահանայապետն այցելեց Օսմանյան Թուրքիայի կողմից իրականացրած Հայոց Ցեղասպանության զոհերի հիշատակը հավերժացնող Ծիծեռնակաբերդ:

Նա ծաղկեպսակ դրեց հուշահամլիրի մոտ, անմար կրկի շուրջ, ապա Ամենայն Հայոց կաթողիկոսի, Ֆրանցիսկոս Պապի և բարձրաստիճան հոգևորականների մասնակցությամբ կատարվեցբարեխոսության կարգ:

Սրբազան Քահանայապետը հուշահամալիրում եղևնի տնկեց, ջրեց ծառը: Նա գրառում կատարեց մատյանում, ապա հանդիպեց Ցեղասպանության վերապրածների ժառանգներին:
Ծիծեռնակաբերդից հետո Հռոմի Պապն ուղևորվեց Գյումրի:

свернуть