12.05.2021 Әл-Фараби атындағы ҚазҰУ Журналистика факультетінде VIII Бекхожин оқулары аясында «БАСПАСӨЗДІҢ БОЛАШАҒЫ: БОЛЖАМДАР МЕН ПРАКТИКАЛЫҚ ШЕШІМДЕР» атты республикалық ғылыми-тәжірибелік онлайн-конференция өтті.
«Баспасөздің болашағы: болжамдар мен практикалық шешімдер» атты республикалық ғылыми-практикалық онлайн-конференция дәстүрлі «Бекхожин оқулары» аясында өткізілді.
Конференцияға Қалижан Бекхожиннің туыстары, шәкірттері, журналистика және бұқаралық коммуникация зерттеушілері, Журналистика факультетінің оқытушы-профессорлары, БАҚ мамандары, студенттер мен магистранттары және докторанттар қатысты.
Қосымша ақпарат: Қалижан Нұрғожаұлы Бекхожин (1910-1979 ) – еліміздің журналистика ғылымы мен білімінің ірге тасын қалаушы, көрнекті қазақ журналистерінің бірі. Ол 1929-39 жылдары «Кеңес туы» және «Колхоз» (Павлодар), «Екпінді» (Семей) аймақтық басылымдарында журналистік қызмет атқарды. 1942 жылы ҚазҰУ-дың журналистика бөлімін тәмамдады. 1943 жылдан бастап Отан соғысы аяқталғанға дейін Қостанай облыстық «Большевиктік жол» газетінде редактор болып еңбек етті. 1945 жылдан өмірінің соңғы сәттеріне дейін ҚазҰУ-дың большевиктік баспасөз теориясы мен тәжірибесі кафедрасында аға оқытушы, осы жылдың 1-маусымынан факультет деканы, 1948-1976 жылдар аралығында журналистика тарихы кафедрасының меңгерушісі және профессоры болды.
Қ.Н. Бекхожин – ұлттық баспасөзіміздің тарихы бойынша тұңғыш кандидаттық және докторлық диссертациялар жазды. Докторлық диссертациясын 1964 жылы жарық көрген «Қазақ баспасөзінің даму жолдары» атты монографиясы бойынша даярлап, ғылыми баяндама түрінде қорғады.
Қ.Н. Бекхожиннің ХХ ғасырдың басында жарық көрген тұңғыш журнал «Айқап» туралы жазылған зерттеу еңбегі – Кеңес дәуіріндегі ғылыми айналымға енгізілген үлкен жетістіктердің бірі болды.
Бұл күндері Қ.Н. Бекхожиннің бастамасымен 1948 жылы құрылған әл-Фараби атындағы ҚазҰУ-дың журналистика тарихы кафедрасы 2010 жылдың 1 қыркүйегінен Бұқаралық коммуникацияның тарихы мен теориясы деп аталуын өзгертті. Қазір Баспасөз және электронды БАҚ кафедрасы деп аталады....
Толығырақ www.kaznu.kz порталынан біле аласыздар.
#БекхожинОқулары #AlFarabiUniversity #TRCKazNU
