Tərtərdə ilk dəfə yer şumlamadan taxıl əkilir.
APA TV-nin yerli bürosunun xəbərinə görə, taxıl səpini yeni texnologiya ilə həyata keçirilir. Səpin işləri pambıq tarlalarından pambıq yığımından sonra reallaşır.
Bildiyiniz kimi ənənəvi qaydada pambıq sələfindən sonra sahədən bitki payı yığılmalıdır. Sonra şum aparılmalı, disklənməli, malalanmalı və daha sonra səpin aparılmalıdır. Amma bu yeni texnologiyanın üstünlüyü ondadır ki, sahədə heç bir şumlama işləri aparmadan, sadəcə bitki qalıqları doğranılır. Torpağın münbitliyini artırmaq üçün torpağın strukturunu, su xasiyyətlərini yaxşılaşdırmaq üçün torpağa verilir. Onun üzərindən isə Birazilyadan gətirilmiş toxum səpən aqreqatla sıfır becərmə variantında əkini aparılır.
Kənd təsərrüfatı nazirliyindən verilən məlumata görə ölkə ərazisində 76 faizdən artıq sahələrdə əkin aparılıb. Hələ 250 min hektar sahədə isə taxıl səpini aparılmalıdır. Pambıq sələfində aparılacaq əkin işlərində isə gecikmələr var. Bu səbəbdən də optimal müddətdə səpin işləri başa çatmalıdır.
Mütəxəssislər hesab edirlər ki, artıq qış yaxınlaşıb. Məhz, buna görə də maksimim dərəcədə çalışmalıdır ki, vaxtdan səmərəli istifadə edilərək, havanın əlverişli şəraitindən səmərəli istifadə edib bu cür texnologiyalardan istifadə edərək, şum aparmadan sıfır becərmə texnologiyası və yaxud da minimal becərmə texnologiyası ilə taxıl səpini həyata keçirilsin ki, fermerlərimiz keyfiyyətli məhsul istehsalına nail ola bilsin.
Rəsmi facebook səhifəmiz: [ Ссылка ]
Rəsmi instagram səhifəmiz: [ Ссылка ]
Rəsmi twitter səhifəmiz: [ Ссылка ]
#apatv #apaxeber
