Танымал айтыскер ақын Айтақын Бұлғақов 63 жасқа толды. Киелі сахнада 40 жылдан астам уақыт өнер көрсетіп жүрген ақынның мерейтойына орай, Талдықорғанда «Айтыстың Айтақыны» атты халықаралық ақындар айтысы өтті. Жыр додасына Түркиядан Айнұр Тұрсынбаева, Қырғызстанның дүлділ айтыскерлері арнайы келген. Ал елдің әр өңірінен жиналған Балғынбек Имашев, Сырым Әуезхан, Бекарыс Шойбеков сияқты көптеген ақындар халықты өнерлерімен сусындатты.
Айтақын Бұлғақов айтыс сүйер қауымның жүрегінде осы образымен қалды. Үкілі бөрік, қызыл шапаны, қайыстан тігілген өкшесі бар саптама етігі, хәйләйлім мақамымен қазір шәкірті Сырым Әуезхан дәріптеуде. Талдықорғанда Айтақын Бұлғақовтың құрметіне өткен айтысқа ақын Сырым Әуезхан осы образбен келіп, көпшіліктің құрметіне бөленіп, бірінші орын алып, 1 миллион теңге ақшалай сыйға ие болды. Айтақын Бұлғақов талай жасты айтыс аламанының бәйгесіне қосып, шәкірт тәрбиелеумен келе жатқан жан. Қазір ұлы Жандарбек Бұлғақов айтыста топ жарып жүрсе, енді 7 жастағы немересі Нұрлы да аламанға қосылды. Жандарбек ұстаған домбыраны атасы Айтақын немересінің қолына қалың көпшіліктің қошеметімен табыс етті.
АЙТАҚЫН БҰЛҒАҚОВ, Айтыскер ақын:
– Мен 13 жасымда алғаш рет ауыл сахнасына шыққанмын. Республикалық аламанға мен 24 жасымда шықтым.
Сахна төрінде Айтақын Бұлғақовтың «Нұрлы Кәусар» атты кітабының тұсауы кесілді. Ақынның кіндік қаны тамған Жаркенттегі жерлестері жаңа автокөлік сыйлады. Аузымен құс тістеген мықты ақындарды жинап, тамаша айтысты ұйымдастыруға ұйытқы болған Жетісу облысының әкімдігі. Өңір басшысы Бейбіт Исабаев ақынның кешіне арнайы келіп, халқы сүйген азаматты мерейтойымен құттықтады. Ал өнерде талғамы жоғары Жетісу жұрты ақындар айтысына дән риза болды. Мәселен, Балғынбек Имашев Айнұр Тұрсынбаеваны мотиватор әрі инстаграмның жұлдызы деп келеке етсе, Айнұр Тұрсынбаева Балғынбекті «Жалайырдың» ішінде жұмыссыз жүрсің деп халқын күлкіге қарық қылды.
Балғынбек Айтақынды мерейтойымен құттықтамай, неге маған қызмет сұрай берді хәйләйлім, хәйлім хәйләйлім-ай. Сұрамаймын қызмет, жүремін ылғи тоба деп, Қасым-Жомарт көкемді басқаралардан жоғары ет, Құдай өзі бермесе, Қасым-Жомарт не береді, мен құдайға сенемін, Ла иллаха иллал лах, кроме Аллаха бога нет, хәйләйлім зәйлім хәйләйлім ай.
АЙДОС ҚҰРАҚБАЕВ, Түркістан облысының тұрғыны:
– Сонау Түркістан қаласынан келіп тұрмын. Нағыз шоу айтыс та, нағыз қайым айтыс та болып жатыр, керемет.
ЖҰМАҒАЛЫ БАЙКЕНЖЕ, Талдықорған қаласының тұрғыны:
– Айтақын ақынның ғашығы болған Айнұр соларды арнайы шақыртқаны, олар келмесе айтысты ұйымдастырмаймын деп айтқаны, сол сөздері көңілге қонымды болды.
«Айтыстың Айтақыны» атты жыр додасында бас жүлде 1,5 миллион теңге Қырғызстан ақыны Мамбеттоктоға бұйырды. Ал Айнұр Тұрсынбаева екінші орын 750 мың теңге ұтып алып, ол жүлдені теңдей қазылар алқасына бөліп беретінін, дүлділ ақын Айтақынның тойына 2 миллион теңге шашуын ала келгенін сахна төрінде жеткізді
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
