#abuneol #realxeberorg #trend #celilabad
Azərbaycan xalqı öz milli adət və ənənələrini tarix boyu qoruyub saxlamış, onlara daim hörmətlə yanaşmışdır. Bu millətinə, millətinin dünəninə, bu gününə və sabahına olan hörmətdən, dəyərdən irəli gəlir.
Qarabağ mühəribəsi başlayandan erməni vandalları tərəfindən bir çox tarixi abidələrimiz məhv edilmiş, dağıdılmışdır. Bu hərəkəti erməni vəhşilərindən hər zaman gözləmək olardı. Amma, haqqında danışacağımız vandalizm erməni tərəfindən yox, məhz azərbaycanlı fermer, işadamı tərəfindən törədilir.
Bu günlərdə REALXEBER.ORG informasiya agentliyinə daxil olan məlumata əsasən Cəlilabad rayonu Bayxanlı inzibati ərazi dairəsi üzrə nümayəndəliyinin Germi kəndi ərazisində yerləşən qəbiristalıqdakı köhnə qəbirlərin dağıdılması, ərazisində mal-qara otarılması, şumlanıb ətrafında noxud sahəsinin salınması bildirildi.
Əməkdaşlarımız sözügedən ərazidə olub, çəkiliş aparan zamanda həmin hadisələrin şahidi olublar.
Köhnə qəbirlər, aşmış başdaşları, qəbirlərin üzərində otlayan mal-qara...
Germi kənd sakinləri 1953-cü ildə Sovet hakimiyyətinin qərarı ilə indiki Saatlı və Sabirabad rayonlarına köçürülmüşlər. Həmin sakinlərin dədı-babalarının qəbirlərini indi erməni vəhşiləri yox, məhz öz vətəndaşımız, fermer, iş adamı AĞAYEV LƏTİF XUDAŞ oğluna məxsus mal qara dağıdır. Deyilənə görə, adamları orada qalan qəbir daşlarını yavaş yavaş ərazidən uzaqlaşdırıb gələcək üçün özünə əkin sahəsi hazırlayır.
AĞAYEV LƏTİF daha 500 ha dövlət ehtiyat fondunun torpaqlarını yarı qanuni, yarı qeyri qanuni zəbt edib əkin üçün istifadə edir.
Əllərində sənədləri olan sakinlərin torpaqlarını mənimsəməsi haqqında yazımız yaxın günlərdə ictimaiyyətə təqdim olunacaq.
Övladları Qalib və Sahib Ağayevlərin hərbi xidmətdən yayınması, Vətən xidmətində olmaması AĞAYEV LƏTİFİN necə “vətənpərvər” olub, milli dəyərlərə qiymət verməsindən xəbər verir.
