الشعر اليا جاء موعده في الوعد حان
وأجزل بيوت الشعر جتنا على الكيف
ولا يزين الشعر وتزين الالحان
الا براع الطيب راع المواقيف
عزيّز ابن سداح والاسم برهان
اسمه يشرف اليا ذكرناه تشريف
انا اشهد انه من طويلين الايمان
وانا اشهد انه من الرجال المعاريف
مواقفه تشهد لها كل الاعيان
الفعل كلن يذكره بعد ماشيف
ياكم خلص كل طالب وديان
ويسوق ماله مايحسب التكاليف
بيته لمن ينصاه منصى ومزبان
للي يروده واضح وحيدن منيف
ومدت يمينه كنها غر الامزان
مع عزوته وربعه وكل المعاريف
في كل يوم اتشوف في البيت ضيفان
وكتف يدين البخل بالطيب تكتيف
وربعه مجمعهم سوى مثل الاخوان
لم الشمل على القلوب المواليف
يسعى لفعل الخير في كل الاوطان
خيره مثل وبل المزون المراديف
اليا نخاه الي جرى فوق الازمان
يفزع معه فزعة شجاع وحريف
ومن باب فعل الخير ووجوب الانسان
سبعة عشر رجال فكهم من السيف
عزيّز فعله نذكره حيث ماكان
من عزوةٍ تعرف ماتحتاج تعريف
وربعه حزامه نعم في الاد شيبان
عسى الشيابين اتعدى الصواديف

свернуть