Қаңтар-мамыр аралығында қазақстандық банктер кәсіпкерлерге 11,8 трлн теңге несие берген. Оның 6,8 трлн теңгесі шағын және орта бизнеске бағытталған, деп хабарлайды LS ақпараттық порталы. Сайтта жарияланған тағы бір дерекке сүйенсек, қазір отандастарымыз қаржы ұйымдарына 393 млрд теңге берешек. Қарыздың басым бөлігі - тұтынушылық несие. Оның көлемі жыл басынан бері 13,5% немесе 37,9 млрд теңгеге ұлғайған. Қарызы көптер Алматыда. Мұнда банкке қайтарылуы тиіс қаржы 166,6 млрд теңгені құрайды. Ал Ұлытау мен Солтүстік Қазақстан облыстарында рәсімделген кредит саны аз. Бүгінде өңір тұрғындарына 3,8 млрд тенге көлемінде несие беріліпті.
