Hər vaxtınız xeyir olsun əziz izləyicilər!
Düşünürəmsə, deməli mövcudam!
R.Dekart
Həddindən artıq düşünmənin, başqa sözlə desək, “overthinking”in müxtəlif formaları var. Bu problemi yaşayan insan daim öz keçmiş və ya gələcək həyatı haqqında düşünür. Həddindən artıq düşünmək insanın gündəlik həyatına ciddi şəkildə mənfi təsir göstərir.
Düşünmək təbii prosesdir. İnsan yeganə varlıqdır ki, düşünür və sorğulayır. Ancaq indiki zamanı unudub, gələcək, keçmiş və bəzi hadisələr haqqında çox düşünmək bir çox psixoloji problemlərin təməlini qoyur.
Tədqiqatlar göstərir ki, 25-35 yaș arası insanların 73%-i ifrat düşünməkdən əziyyət çəkir.
Amerikalı psixiatr Reymond Fauler apardığı tədqiqatların nəticəsində bu prosesi belə açıqlamışdır: “Stresli hadisələri düşünmək uzun müddət davam edərsə, bu həyəcan-təşviş (anksiyete) və depressiyaya səbəb ola bilər. Həyəcan-təşviş öz növbəsində sizin problemi həll etmək qabiliyyətinizi zəiflədəcək, depressiya isə sizdə kədər, təklik və boşluq hissini oyadacaqdır”.
Nəyi düşünmək, necə düşünmək?
Düşüncənin istiqamətləri sonsuzdur: musiqi, şeir, roman, siyasət, fəlsəfə, elm, mədəniyyət, kosmos və s. kimi məhfumlarla bu siyahını uzatmaq olar. Bu sonsuz sıralamada ən öndə gedən komponentlərdən biri düşünərək özünü dərk etmək, özünü yeniləmək və yaşadığın cəmiyyətə faydalı olmaqdır. Ona görə də bir cəmiyyətin, bir xalqın fikir adamları nə qədər çoxdursa, o cəmiyyət bir o qədər inkişaf edir. Buna “analitik düşünmə” də deyilir. Bu qabiliyyətə sahib olmaq üçün ilk növbədə rasional düşünməyi bacarmaq lazımdır. Bunu bacarmayan insan analitik düşünməyi əsla bacarmaz.
Bu davranışlarla nəticələnməyən düşüncələr isə insana iztirab gətirir.
Ona görə də hər bir insan özündə ilk növbədə analitik düşüncəni formalaşdırmalıdır. Yalnız bu halda insan özündə və ətrafında baş verən proses və hadisələri dərk edib düzgün qərarlar qəbul edə bilər.
Xoş seyirlər!
#ElnurRüstəmov #psixoloq #psixologiya #psixologiyainstitutu #düşünmək #overthinking
