پزیشكێك: چەرەسات لە زۆربەی خواردنەكانی جەژن سوكتر و بەسوودترە
هاوڵاتیان لە چوارچێوەی ئامادەكاریەكانیان بۆ رۆژانی جەژن یەكێك لەو خواردنانەی دەیكڕن جۆرەكانی چەرەسە كە زۆرینەیان لە دەرەوەی هەرێمەوە دەهێنرێن, پزیشكێكی پسپۆڕی قەڵەوی دەڵێت چەرەسات یەكێكە لە خواردنە بە سودەكان و داوا لە هاوڵاتیان دەكات گرنگی پێبدەن .
جەژن بۆ هاوڵاتیانی سلێمانی تایبەتمەندیەتی خۆی هەیە‌و بازاڕو شوێنە گشتییەكان جمەیان دێت لە كڕیار، ئەویش بۆ دەستخستنی خواردن و پێویستیەكانی چوار ڕۆژی جەژن.
بەهۆی وەرزی گەرماو هاوینەوە، خواردنە سوكەكان بازاڕیان گەرمترە، چەرەس و خواردنەوە گازییەكان لەسەر عەرەبانەو شۆستەكان بڵاوكراونەتەوە، ئەم هاوڵاتییە بۆ كڕینی چەرەس لێرەیە، بەڵام گلەیی هەیە لە نرخ و كوالێتیەكەی.
بەدەگمەن بەرهەمی خۆماڵی لەنێو چەرەساتەكاندا بەدی دەكرێت، بەوتەی ئەم دووكاندارە، ئەو چەرەسەی كە هاوردەی دەكەن، بەرهەمی ڕوسیاو ئێران و ئەمریكایە، لەپاڵ ئەوەشدا تەنها بەرهەمی گوێزو گوڵە بەڕۆژە لەنێو بەرهەمە خۆماڵیەكاندا هەیە.
پزیشكێكیش ڕێنمایی هاوڵاتیان دەكات كە خواردنی چەرەسات لە زۆربەی خواردنەكانی جەژن سوكترو بەسوودترەو زۆربەی ڤیتامینەكانی تێدایە.
گرنگیدانی خەڵكی سلێمانی بۆ جەژنە ئاینی و نەتەوەییەكان، مێژوویەكی دێرینی هەیە، ئەگەر ڕێبوارێكیش ڕێی بكەوێتە شارەكە، ئەو گەرموگوڕی بازاڕو پەرۆشی خەڵكەكەی بۆ ئەم ڕۆژە هەست پێدەكات.→ website: [ Ссылка ]
→ Facebook: [ Ссылка ]
→ youtube: [ Ссылка ]
→ [ Ссылка ]
→ Instagram: [ Ссылка ]?
hl=enhttps://twitter.com/knncchannel
