#atentat #tritol #AleksanderSadikaj
SUBSCRIBE to “RTV KLAN” on YouTube for more videos!
E shkuara kriminale dhe konfliktet e kohëve të fundit janë pistat që po verifikohen nga policia për vrasjen e 27-vjeçarit, Aleksandër Sadikaj. Hetuesit kanë zbarkuar në banesën e viktimës dhe sipas burimeve nga kontrollet e ushtruara është gjetur një vazo e mbjellë me lëndë narkotike, si dhe një jelek antiplumb.
Sekuestrimi i kësaj të fundit si dhe i armës së gjetur në makinën që lëvizte i riu në momentin që u hodh në erë me rreth 200 gramë lëndë plasëse ka shtyrë hetuesit të mendojnë se viktima i druhej një atentati.
Aleksandër Sadikaj jetonte në zonën e Saukut me një vajzë me të cilën mësohet se ishte në lidhje prej kohësh. Kjo e fundit së bashku me familjarë të viktimës janë marrë në pyetje, por dëshmia e tyre nuk ka ndihmuar hetimin. Ajo ka thënë se nuk ka pasur dijeni për konflikte të viktimës.
Deri në këtë fazë, hetuesit ende nuk kanë zbuluar vendin ku i është montuar lënda plasëse automjetit që lëvizte Sadikaj. Verifikime po kryhen dhe me komunikimet e fundit të viktimës, për këtë arsye telefonat celularë që ai kishte në përdorim janë çuar për ekzaminime.
Kamerat e sigurisë në zonat që ka lëvizur 27-vjeçari konsiderohen kyç në mekanizmin që kanë përdorur autorët për montimin e lëndës plasëse që i mori jetën paraditen e së shtunës Aleksandër Sadikajt, një emër i njohur për policinë.
Tv Klan
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
