POLISI WAOMBA RADHI TUKIO LA BINTI KUBAKWA, RPC DODOMA AHAMISHWA, ATOLEA UFAFANUZI KAULI YAKE
Aliyekuwa Kamanda wa Polisi Mkoa wa Dodoma Theopista Mallya ametoa ufafanuzi kuhusu kauli yake ya binti aliyebakwa ya "kama anajiuza" wakati akizungumza na kituo cha Bongo FM mapema asubuhi ya Jumatatu Agosti 19, 2024.
Hata hivyo Jeshi la Polisi Tanzania limeomba radhi kwa kila Mtanzania aliyeguswa na kuchukizwa na kauli ya Kamanda wa Polisi Dodoma iliyosambaa kwenye vyombo vya Habari ikiwa na kichwa cha habari “ANAYEDAIWA KUBAKWA NA KULAWITIWA ALIKUWA KAMA ANAJIUZA” na kusema Mkuu wa Jeshi la Polisi amemuhamisha Kamanda huyo kutoka kwenye cheo hiko na kumpeleka Makao Makuu ya Polisi Dodoma huku nafasi hiyo ikichukuliwa na SACP George Katabazi.
