Supersport.Az UEFA Konfrans Liqasının pley-off mərhələsinin keçirilən "Qarabağ" - "Olimpik Marsel" oyununda futbolda nadir hallarda baş verən məqamın videogörüntüsünü təqdim edir.
Oyunun 34-cü dəqiqəsində cinah ötürməsindən sonra "Qarabağ"ın hücumçusu İbrahima Vadji vurduğu qolu polyak baş hakim qeydə alsa da, qonaqlar buna narazılığını sərt şəkildə bildirib. Bundan sonra Ağdam klubunun baş məşqçisi Qurban Qurbanov Vadjini yanına çağırıb və ondan qolu qaydalar çərçivəsində vurub-vurmadığını soruşub. Vadji isə topu əli ilə qapıdan keçirdiyini etiraf edib. Qurban Qurbanov isə futbolçuya bunu görüşün baş hakiminə bildirməsini deyib. Seneqallı hücumçu baş məşqçisinin dediyi kimi edib. Polşalı referi Bartoş Frankovski bundan sonra qolu ləğv edib. "Olimpik Marsel"in futbolçuları "Qarabağ"ın baş məşqçisini alqışlayıb. Hətta Fransa klubunun 10 nömrəli hücumçusu Dmitri Payet Qurban Qurbanovu qucaqlayaraq minnətdarlıq edib.
Beləliklə, "Qarabağ" avrokuboklarda nə qədər hakim səhvləri ilə qarşılaşsa da, Qurban Qurbanov ədalətin tərəfində olduğunu və böyüklüyünü nümayiş etdirib. "Qarabağ"ın baş məşqçisi bununla dünya futbolunda "fair play" dərsi keçib.
Dünyanın məşhur media orqanları Qurban Qurbanovun etdiyi feyr-pley jestini qabardıblar. "The Sun" bu hərəkəti heyrətamiz an kimi təsvir edib. İspaniya "Marca"sı , turnirdə VAR olmasa da, Qurban Qurbanovun müdaxiləsindən sonra qolun qaydalar çərçivəsində vurulmadığından ləğv edildiyini yazıb. "RMC Sport" isə Qurbanovun bu dürüstlüyünü təmiz oyun adlandırıb.

свернуть