Սիրելի՛ հայրենակիցներ,
Այսօր Covid-19 կամ կորոնավիրուս համաճարակը մտահոգել է ողջ մարդկությանը և կտրականապես փոխել բոլորիս ապրելակերպը: Այդ չարիքի դեմ պայքարելու համար Հայաստանի Հանրապետության կառավարությունը կատարում է ամենայն հնարավորը` ներդնելով իր ողջ ջանքն ու եռանդը:
Հայաստանում հայտարարված արտակարգ դրության պայմաններում յուրաքանչյուրս պարտավոր ենք դրսևորել քաղաքացիական բարձր կեցվածք:
Այս ժամանակահատվածում յուրովի է կարևորվում մշակույթի դերը: Շատերն իրենց կիսատ գործը կյանքի են կոչում առցանց, և մտորում են նորանոր ծրագրերի մասին: Այս պարագայում հարկ է, որ առավել զորեղանանք հոգով` այս և գալիք փորձություններին դիմակայելու համար:
Ուսուցիչս` ասմունքի մեծ վարպետ Ջիվան Սարգսյանը, երկնային հորդորով միտք է հղացել, որպես հոգևոր բարեգործություն, հավատավոր մարդկանց ներկայացնել Սուրբ Գրիգոր Նարեկացու -Մատյան Ողբերգության- պոեմը: Առաջին քայլը եղել է 2020 թվականի Մարտի 31-ին:
Մնանք տանը և ունկընդրենք
Սիրով` Դայանա Ամիրխանյան
Գրիգոր Նարեկացի
-Մատյան Ողբերգության-
Թարգմանությունը` Վազգեն Գևորգյանի
Կարդում է` Ջիվան Սարգսյանը
Հետևել կարող եք նաև Facebook-յան էջին.
[ Ссылка ]...
![Basics In Behavior [Green]](https://s2.save4k.ru/pic/u9SOrtkHMOI/mqdefault.jpg)
