Атырау облысында 2025 жылы 9 мыңдай адамға АӘК берілу жоспарланып отыр

Өткен жылы облыстағы аз қамтылған 849 отбасының 5000-нан астам мүшесіне атаулы әлеуметтік көмек тағайындалып, бюджеттен 560 млн теңгеге жуық қаржы төленді. Оның ішінде 1 жастан 6 жасты қоса алғандағы 1400-ден аса балаға тағайындалған 72,8 млн теңгелік қосымша төлем бар. Ал биыл атаулы әлеуметтік көмек Атырау облысының 9 мыңға жуық тұрғынына көрсетілу жоспарланып отыр. Ол үшін бюджеттен 812,3 млн теңге қарастырылды. Бұл туралы Атырау облысы әкімінің орынбасары Жасұлан Бисембиев айтты, - деп хабарлайды Өңірлік коммуникациялар қызметі.

свернуть