Ақмола облысындағы еліміз бойынша ең ірі әрі заманауи жылу оқшаулағыш зауыты өндірістік қуатын алдағы екі жылда 55 мың тоннаға арттыруды көздейді. Кәсіпорын осыдан төрт жыл бұрын 8 миллиард теңгеге салынған. Минералды мақта тақтайшаларын өндіретін зауыт қалдықсыз жұмыс істейді.
Еліміздегі үшінші жылу оқшаулағыш зауыты Бұланды ауданындағы Макинск қаласында орналасқан. Жылу оқшаулағыш төсеніш табиғи вулкандық тас - базальтты балқыту арқылы алынған талшықтардан жасалады. Температураны 1000ºС-қа дейін ұстап тұра алады. Мұндай материал құрылыста жылыту және дыбысты оқшаулау үшін кеңінен пайдаланылады. Еліміздегі ең жас әрі заманауи өндіріс орнының алдағы жылдарға жоспары ауқымды.
ЖАСҰЛАН МҰХАМЕТЖАН, Макинск жылу оқшаулау зауытының бас директоры:
– 2024-2025 жылдарға қарай зауытты толық модернизациялаудан өткізіп, кәсіпорынның өндірістік қуатын жылына 50-55 мың тоннаға дейін арттыруды жоспарлап отырмыз. Сәйкесінше, жұмыс орнын көбейтіп, жалақыны да 350 мыңға дейін ұлғайтамыз. Қазіргі уақытта өнім шет елге де шығарылады. Экспорт көлемі 80 пайызға дейін өскен.
Өнімді өндіруге қажетті базальт тасы зауытқа Ақтөбеден әкелінеді. Кәсіпорын Қазақстанның барлық ірі құрылыс компаниялармен тығыз байланыста. Зауыт экологияға зардап келтірмей, қалдықтардан кілем өндіреді. Кәсіпорында қазір 170 адам еңбек етеді.
МАНАТ МҰРАТБЕКОВ:
– Фенолшы мамандығы бойынша жұмыс атқарамын. 2021 жылдан бастап жұмыс істеймін. Жұмыс ұнайды. Беделді үлкен зауыттың Макинск қаласында тұрғанына қуаныштымыз. Жалақы уақытында төленеді.
Мемлекеттен қаржылай қолдау көріп отырған зауыт жұмысына шет елден мамандар тартылыпты. Өндіріс орны жоғары сапалы шет елдік техникамен жабдықталған. Жалпы Ақмола облысында соңғы 10 жылда өндіріс айтарлықтай дамып келеді.
ЖАСЛАН АЙДРАХМАНОВ, Ақмола облысының кәсіпкерлік және туризм басқармасы жетекшісінің орынбасары:
– Өңірде ең дамып келе жатқан негізгі сала - металлургия. Оның үлесі 51 пайыздан асады. 28,8 пайызға өңделмеген алтын өндірісі өсті. Машина жасау бойынша трактор мен комбайн өндірісі ұлғайды.
Айта кетейік, аймақтағы кәсіпорындардың өркендеуіне мемлекеттік бағдарламалардың үлесі зор.
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
