Алматыда Қазақстан Республикасының Тұңғыш Президенті – Елбасының 2017 жылғы мәдениет саласындағы мемлекеттік стипендиялары тапсырылды.
Стипендиялар жыл сайын мемлекеттік қолдау көрсету мақсатында Қазақстан Республикасының құрметті атақтары және мемлекеттік наградаларын иеленген шығармашыл тұлғалар мен мәдениет қайраткерлеріне беріледі. Сонымен қатар еліміздің мәдениетін қалыптастыруға, сақтауға және дамытуға қосқан үлесі үшін дарынды шығармашыл жастарға да тағайындалады. Биыл Мемлекеттік стипендия әдебиет пен өнер саласының 75 қайраткеріне берілді. Стипендияға Асанәлі Әшімов, Мырзатай Жолдасбеков, Сәбит Досанов, Бибігүл Төлегенова сияқты мэтрлар және тағы басқа тұлғалар ие болды. Сондай-ақ Медет Шотабаев, Ирина Тен, Жамбыл Дүйсенов, Әділ Ахметов және басқа да жас дарындарға мемлекеттік қолдау көрсетілді.
Гүлшара Әбдіқалықова, ҚР Мемлекеттік хатшысы:
- Елбасының Мәдениет саласындағы Мемлекеттік стипендия иегері атануларыңызбен шын жүректен құттықтаймын. Былтырғы жыл Қазақстан халқы үшін маңызды әрі ерекше кезең болды. Еліміз Үшінші жаңғыруға батыл қадам басты. Оның аясында экономикалық өрлеу, саяси реформалар, рухани жаңғыру ел дамуының басты бағыттары ретінде айқындалды.
Асанәлі Әшімов, ҚР Халық әртісі:
- «Өнерсіз ел-ел емес» деп, біздің ұлы Мұхтар Әуезовтың айтқан сөзі бар еді. Әрине мұндай көзқарас бізге деген қарым-қатынас Президентіміздің бізге деген ілтипаты шабыт береді. Подписывайтесь на «Хабар 24»:
[ Ссылка ]
Наш сайт - [ Ссылка ]
Facebook - [ Ссылка ]
Instagram - [ Ссылка ]
Telegram - [ Ссылка ]
Twitter - [ Ссылка ]
Vkontakte - [ Ссылка ]
