اتولد فيلهلم كونراد رونتغن في يوم 27 مارس سنة 1845 في مدينة لينيب اللي معروفة دلوقتي باسم رمشايد في المانيا و كان الابن الوحيد لابويه تاجر المنسوجات فريدريك كونراد رونتغن و تشارلوت كونستانز فراوين.
و بعدها سافر فيلهلم رونتغن مع اسرته الى هولندا و تحديدا لمدينة ابلدورن و اللي فيها بدأ تعليمه و حصل على الشهادة الابتدائية و الشهادة الثانوية.
و في سنة 1862 التحق رونتغن بمدرسة اوترخت التقنية و لكن اتطرد منها .
و في سنة 1865 حاول رونتغن انه يحضر محاضرات في جامعة اوترايخت كطالب غير منتظم و بعد كده التحق رونتغن بالمعهد الفدرالى التقني بمدينة زيوريخ في سويسرا و بدأ دراسته للهندسة الميكانيكية و اتخرج منه في سنة 1868.
و بعد التخرج التحق رونتغن بجامعة زيوريخ و حصل على درجة الدكتوراة في سنة 1869 و بعدها اشتغل كمساعد للبروفيسور اوجست كوندت و سافر معاه لجامعة فورتسبورغ و بعدها سافروا لجامعة ستراسبورغ و اللي اشتغل فيها البروفيسور اوجست كوندت كمحاضر و كان معاه رونتغن.
و في سنة 1874 حصل رونتغن على اول تعيين اكاديمي رسمي ليه فاتعيين رونتغن باحث في جامعة ستراسبورغ و بعدها بسنة واحدة و تحديدا في سنة 1875 اتعيين رونتغن كاستاذ للفيزياء في اكاديمية هوفنهايم الزراعية.
و في سنة 1876 رجع رونتغن تاني لجامعة استراسبورغ علشان يشتغل كاستاذ مشارك في الفيزياء و في سنة 1879 اتعيين رونتغن في كاستاذ للفيزياء في جامعة جيسن و فضل في جامعة جيسن لحد سنة 1888.
و في سنة 1888 رجع رونتغن لجامعة فورتسبورغ و استمر فيها لحد سنة 1900.
و في الفترة ما بين سنة 1895 لحد سنة 1897 نشر 3 اوراق بحثية عن الاشعة السينية المعروفة باسم اشعة اكس و اللي اتسمت باسم اكس لانه اول ما اكتشفها كانت بالنسبة للرونتغن حاجة مجهولة فاطلق عليها اسم اشعة اكس و جربها على زوجته انا بيرثا و لازالت لحد دلوقتي اول صورة التقت بالاشعة السينية موجودة و محفوظة و هي صورة لايد انا بيرثا زوجة رونتغن.
و الاشعة السينية دي عمل طفرة كبيرة في مجال الطب و كانت هي الاساس في مجال الاشعة التشخيصية.
و في سنة 1896 حصل رونتغن علي ميدالية رمفورد و ميدالية ماتيوتشي بالمشاركة مع فيليب لينارد.
و في السنة اللي بعدها و تحديدا في سنة 1897 حصل رونتغن على وسام اليوت كريسون تكريما لاكتشافه الاشعة السينية.
و في سنة 1900 كرمت جامعة كولومبيا رونتغن و حصل على ميدالية بارنارد.
و في سنة 1901 حصل رونتغن علي جائزة نوبل في الفيزياء بسبب اكتشافه للاشعة السينية و اللي بعد كده اتسمت باسمه اشعة رونتغن تقديرا ليه و بكده بقي اول عالم يحصل على جائزة نوبل في الفيزياء.
و في سنة 1900 اتعيين في جامعة ميونيخ كاستاذ للفيزياء و استمر فيها لبقية حياته المهنية اللي استمرت لحد سنة 1920.
و عمل رونتغن ابحاث كتيرة في مختلف فروع الفيزياء فعمل ابحاث في المرونة و توصيل الحرارة في البلورات و امتصاص الاشعة الحرارية بواسطة الغازات المختلفة و الكهرباء الضغطية و الدور الكهرومغناطيسي للضوء المستقطب.
و في سنة 1919 حصل رونتغن على جائزة هيلموهلتز ميدال.
و في يوم 10 فبراير سنة 1923 اتوفي فيلهلم رونتغن في مدينة ميونخ في المانيا بسبب سرطان الامعاء و اتدفن في مدينة جيسين في المانيا.
و بكده يبقي انتهت حياة واحد من اشهر علماء الفيزياء و واحد من اشهر علماء القرن ال 19 هو مكتشف الاشعة السينية و اول من حصل على جائزة نوبل في الفيزياء هو عالم الفيزياء الالماني فيلهلم كونراد رونتغن.
صفحة القناة على الفيس:
